Layisense ya vukorhokeri bya vuhaxi bya mpfumawulo wa matimba ya le hansi

Hi
Leswi u faneleke ku swi endla
Yi teka nkarhi wo leha kufika kwihi
Yi durha mali muni
Tifomu leti tifaneleke ku tatiwa
Vuxokoxoko bya ku tihlanganisa

 

 

Hi mayelana na layisense ya vukorhokeri bya vuhaxi bya mpfumawulo wa matimba ya le hansi

Nawu wa Vuhaxi, 1999 (Nawu wa 4 wa 1999) (Broadcasting Act, 1999 (Act 4 of 1999), wu hlamusela vukorhokeri bya vuhaxi bya mpfumawulo wa matimba ya le hansi tanihi vukorhokeri bya vuhaxi bya mpfumawulo bya miganga, lebyi nga riki bya mfumo kumbe bya vaaki lebyi humesaka matimba lama nga hundziki wati yin’we.

Layisense ya vukorhokeri bya vuhaxi bya mpfumawulo wa matimba ya le hansi yi nga ha nyikiwa eka mikhetekanyo leyi landzelaka:

  • Vukorhokeri bya vuhaxi bya mpfumawulo wa matimba ya le hansi bya xibindzu –vukorhokeri lebyi tirhelaka kusuka eka na ku haxa etimolweni/etisenthareni ta mavhengele, etimbaleni ta mitlangu, etimbaleni ta nkombiso na madyithiyetha ya timuvhi leti komberiwaka ehandle laha ku nga na vupakelo bya mimovha lebyikulu, kumbe vukorhokeri byihi kumbe byihi byin’wana byo fana na byona lebyi Vulawuri bya Vuhlanganisi lebyi Tiyimelaka bya Afrika-Dzonga (Icasa) [Independent Communication Authority of South Africa (Icasa)] byi nga ha byi vonaka byi fanerile.
  • Vukorhokeri bya vuhaxi bya mpfumawulo wa matimba ya le hansi bya miganga – vukorhokeri lebyi tirhelaka kusuka eka na ku haxa emakaya ya vadyuhari, lebyi hlanganisaka exikarhi ka tindhawu ta vugandzeri, lebyi hlanganisaka exikarhi ka tindhawu ta vugandzeri na makaya ya vadyuhari, kumbe vukorhokeri byihi kumbe byihi byin’wana byo fana na byona lebyi Vulawuri byi nga ha byi vonaka byi fanerile.

Havumbirhi bya tilayisense ta vuhaxi bya mpfumawulo wa matimba ya le hansi ta miganga na ta xibindzu ti ta va enawini ku ringana malembe manharhu, kasi

layisense ya vuhaxi bya mpfumawulo wa matimba ya le hansi ya xiendleko xo hlawuleka yi ta va enawini ku ringana makumenharhu wa masiku.

Hi swihi leswi u faneleke ku swi endla

  1. Tiva mpimo wa marhurhumelelo ya magandlati ya mpfumawulo lowu ringaneleke ya ntirhiso wa matimba ya le hansi.
  2. Kuma ndhawu ya xitudiyo na ndhawu ya hundziselo.
  3. Kuma ntlawa wo tirha ku byarha vutihlamuleri bya endlelo ra swikombelo na ku tirha tanihi muendli wa xikombelo hi ku yimela valulamisi wa xiendleko.
  4. Ntlawa wo tirha wu fanele:
    • Ku teka misayino ya vaakandhawu
    • Ku tsala kungu ra bindzu
    • Fambisa nhlawulo wa xidemokirasi wa swirho swa Huvo
  5. Kombela khopi ya fomo ya xikombelo xa vukorhokeri bya vuhaxi na fomo ya xikombelo xa vuhangalasi bya magandlati eka Icasa.
  6. Tatisa fomo ya xikombelo hi ku tsala, u ri karhi u tirhisa maletere lamakulu.
  7. Rhumela fomo ya xikombelo ya masungulo na 16 wa tikhopi leti tiyisisiweke ta fomo ya xikombelo eka Icasa, swin’we na hakelo ya xikombelo.

Swikombelo leswi nga hetisekangiki swi ta tlheriseriwa eka muendli wa xikombelo naswona ku hava vutihlamuleri bya nkanganyiso wihi kumbe wihi byi nga ta amukeriwa.

Yi teka nkarhi wo leha kufika kwihi

Mpasiso wa layisense leyi wu nga ha teka tin’hweti timbirhi kufika eka tinharhu.

Yi durha mali muni

Mixavo ya 2020/21 

Tifomu leti tifaneleke ku tatiwa

Fomo ya xikombelo yi ta va xiphemu xa tixedulu leti ti nga ta kandziyisiwa eka Gazete ya Mfumo.

Vuxokoxoko bya ku tihlanganisa

 

ICASA head office
Tel: 012 568 3000/3001
E-mail: info@icasa.org.za 

Physical address: 350 Witch-Hazel Ave, Eco-Park Estate, Centurion, 0144
Postal address: Private Bag X10, Highveld Park 0169

Regional offices

 

Share this page