Laesense ya ditirelo tša kgašo mo makaleng a mannyane

Ka ga

Seo o swanetšego go se dira

Lebaka

E dira tshenyagelo ya bokae

Diforomo tšeo di swanetšwego go tlatšwa

Dintlha tša boikopanyo

Malebana le laesense ya ditirelo tša kgašo mo makaleng a mannyane

 Molao wa Kgašo, wa 1999 (Molao wa 4 wa 1999), o hlaloša laesense ya tirelo ya kgašo mo makaleng a mannyane, bjalo ka tirelo ya kgašo ya mananeo a setšhaba, praebete goba a bohle gomme bokgakala bja kgašo ye ga bo a swanela go feta wata ye tee.

Laesense ya ditirelo tšaa kgašo mo makaleng a mannyane, e ka fiwa magorong a a latelago:

• Ditirelo tša kgašo mo makaleng a mannyane ao a gašago mananeo a dikgwebo – ditirelo tšeo di šomago go tšwa go le go gaša disenthareng/mebolong, mabaleng a dipapadi, mabaleng a dipontšho le ditheetheng tša dipaesekopo tša ka gare, goba, tirelo ye nngwe le ye nngwe yeo Bolaodi bjo bo Ikemetšego bja Dikgokagano tša Afrika Borwa (Icasa)e e tšeago go ba ya maleba.  
• Ditirelo tša kgašo mo makaleng a mannyane ao a gašago mananeo a setšhaba - ditirelo tšeo di šomago go tšwa go le go gaša magaeng a batšofadi, dikgokagano gare ga mafelo a go rapela, dikgokagano gare ga mafelo a go rapela le magae a batšofadi, goba tirelo ye nngwe le ye nngwe yeo Icasa e e tšeago go ba ya maleba.

Bobedi dilaesense tšeo di gašago mananeo a kgwebo le tšeo di gašago mananeo a setšhaba di tla šoma mengwaga ye meraro, gomme laesense ya ditiragalo tša go ikgetha e tla šoma matšatši a 30.

Se o swanetsego go se dira

1. Utolla boipoeletšo bja maleba bja tšhomišo ya kgašo ya fase.
2. Hloma lefelo la kgašetšo le lefelo la tshepedišo ya kgašo.
3. Hloma sehlophatšhomo go tšea maikarabelo a tshepetšo ya dikgopelo gomme se šome bjalo ka mokgopedi legatong la babeakanyi ba ditiragalo.
4. Sehlophatšhomo se swanetše go:
   1. kgoboketša ditshaeno go tšwa setšhabeng
   2. ngwala leano la kgwebo
   3. sepediša dikgetho tša temokrasi tša maloko a Boto.
5. Kgopela khopi ya foromo ya kgopelo ya tirelo ya kgašo le kgopelo ya phatlalatšo ya leswao la kgašo go tšwa go Icasa.
6. Tlatša foromo ya kgopelo ka letsogo, o šomiša ditlhakakgolo.
7. Iša diforomo tša kgopelo tša mathomong le dikhopi tša tšona tše di kgonthišitšwego tše 16 go Icasa, mmogo le tefo ya kgopelo.

Dikgopelo tšeo di sa felelago di tla bušetšwa go mokgopedi gomme go ka se amogelwe maikarabelo afe goba afe a tšhitišo.

Go tšea lebaka lele kaakang

Tumelelo ya laesense ye e ka tšea dikgwedi tše pedi go ya go tše tharo.

Go bitsa bokae

Ditefo 2020/21

Diforomo tšeo di tlatšwago

Foromo ya dikgopelo e tla ba karolo ya dišetulo tšeo di tla phatlalatšwago ka Kuranteng ya Mmušo.

Mafelo le diatrese