Doen aansoek om 'n lisensie vir ’n laekragklankuitsaaidiens

Oor

Wat om te doen

Tydsduur

Hoeveel kos dit

Vorms om in te vul

Kontakbesonderhede

Meer oor 'n lisensie vir laekragklankuitsaaidienste

Die Wet op Uitsaaidienste, Wet 4 van 1999), definieer 'n laekragklankuitsaaidiens as 'n gemeenskaps-, private of openbare klankuitsaaidiens wat krag uitstraal wat nie meer as een watt oorskry nie.

'n Lisensie vir laekragklankuitsaaidienste word in die volgende kategorieë toegestaan:

• Kommersiële laekragklankuitsaaidienste - dienste wat bedryf word vanaf  en uitgesaai word na winkelsentrums, sportgronde, skougronde en inryteaters, of enige ander soortgelyke diens wat die Onafhanklike Kommunikasie-owerheid van Suid-Afrika (Okosa) as toepaslik beskou.
• Gemeenskapslaekraguitsaaidienste - dienste wat bedryf word vanaf en uitgesaai word na ouetehuise, skakels tussen plekke van aanbidding, skakels tussen plekke van aanbidding en ouetehuise, of enige ander soortgelyke diens wat die Owerheid as toepaslike beskou.

Lisensies vir gemeenskaps- en kommersiële laekragklankuitsaaidienste sal vir drie jaar geldig wees, en 'n lisensie vir ’n spesiale geleentheid laekragklankuitsaaidiens sal vir dertig dae geldig wees.

Wat om te doen

1. Identifiseer 'n geskikte frekwensie vir laekraggebruik.
2. Bepaal die ligging van die ateljee en uitsaaiplek.
3. Stel 'n werkgroep op om verantwoordelikheid vir die aansoekproses te aanvaar en tree namens die organiseerders as aansoeker op.
4. Die werkgroep moet:
   • handtekeninge van die gemeenskap verkry
   • 'n besigheidsplan opstel
   • die demokratiese verkiesing van raadslede fasiliteer.
5. Versoek 'n afskrif van die aansoekvorm vir uitsaaidienste en seinverspreiding van Okosa.
6. Voltooi die aansoekvorm in drukskrif met hoofletters.
7. Dien die oorspronklike aansoekvorm plus vyf afskrifte van die vorm en een in elektroniese formaat by Okosa in, saam met bewys van betaling van die aansoekfooi.
8. Betaal die aansoekfooi in Okasa se bankrekening:
   Bank: Nedbank 
   Rekeningno: 1454090456
   Takkode: 198765
   Tak: Nedbank South Africa
   Swift code: NEDSZAJJ

Onvolledige aansoeke sal aan die aansoeker teruggestuur word en geen verantwoordelikheid vir enige ongerief sal aanvaar word nie.

Tydsduur

Goedkeuring vir hierdie lisensie kan twee tot drie maande neem.

Koste

Tariewe 2020/21

Vorms om in te vul

Die aansoekvorm sal deel wees van die skedules wat in die Staatskoerant gepubliseer sal word.

Kontakbesonderhede