Mudende wa n’wana wa vuwundli

Hi

Leswi u faneleke ku swi endla

Leswi u faneleke ku swi endla

Xana swi durha mali muni

Tifomo leti tatiwaka

Vuxokoxoko bya vutihlanganisi

Hi mayelana na mudende wa n’wana wa vuwundli

Kuma mudende ku hlayisa n’wana wa wena wa vuwundli. N’wana wa vuwundli i n’wana loyi a vekiweke eka vutihlamuleri bya wena bya nhlayiso hi khoto hikwalaho ka ku va:

• a feriwile hi vatswari
• a cukumetiwile
• a ri enxungetweni 
• a xanisiwile
• a tsan’wiwile.

Xana u swi tiva njhani leswaku wa fikelela?

Ku fikelela:

• u fanele ku va u ri muakatiko wa Afrika-Dzonga, mutshami wa nkarhi hinkwawo kumbe mubaleki
• wena na n’wana loyi mi fanele ku va mi tshama eAfrika-Dzonga
• n’wana wa vuwundli u fanele ku va a vekiwile hi xinawu eka nhlayiso wa wena naswona n’wana loyi u fanele ku tshama a ri eka nhlayiso wa wena
• n’wana loyi u fanele ku va a ri ehansi ka 18.

Xana u ta kuma mali muni?

U ta kuma R1 180 hi n’hweti hi n’wana.

Xana u ta hakeriwa njhani?

Ejensi ya Timali ta Nhlayiso wa Vaaki ya Afrika-Dzonga (SASSA) yi ta ku hakela mudende lowu hi ku tirhisa yin’we ya tindlela leti landzelaka:

• mali yinene eka ndhawu yo holela yo karhi hi siku ro karhi
• dipoziti ya xielekitironiki eka akhawunti ya wena ya bangi kumbe ya Postbank (bangi yi nga ha ku hakerisa hakelo ya vukorhokeri)
• nhlangano lowu tirhaka tanihi mulawuri wa mudende (xik. nhlangano wa ku hanya kahle ka vanhu).

Tekela enhlokweni: Loko u nga koti ku kuma mali ya wena hi wexe, u nga thola muyimeri ehofisini ya SASSA, kumbe u nyika munhu un’wana matimba ya muyimeri wa swa nawu ku teka mudende hi ku yimela wena.

Xana i rini mudende wa wena wu nga ha kambisisiwaka?

Mpfuneto wu ta pfuxetiwa loko xileriso xa huvo xi helela hi nkarhi – sweswi leswi i swi humelela eka malembe mambirhi man’wana na man’wana. U ta tsundzuxiwa tin’hweti tinharhu ka ha ri nkarhi hi xilaveko xa mpfuxeto.
Loko u amukela mali hi le bangini, vandla kumbe muyimeri wa swa nawu, u laveka ku tata xitifikheti xa rihanyo ehofisini ya SASSA lembe na lembe.   

Xana i rini mudende wa wena wu nga ha yimisiwaka nkarhinyana?

Leswi landzelaka swi nga ha vanga ku yimisiwa nkarhinyana ka mudende wa n’wena:

• ku cinca eka swiyimo swa wena
• mbuyelo wa nkambisiso
• loko u hluleka ku tirhisana loko mudende wa n’wana loyi wu kambisisiwa
• loko u endla vumbabva kumbe u hembela n’wana loyi
• loko ku vile na xihoxo loko mudende wa n’wana loyi wu pasisiwa.

Xana i rini mudende wa wena wu nga ta hundzeriwa hi nkarhi?

Mudende lowu wu ta hundzeriwa hi nkarhi:

• eka xiyimo xa rifu ra n’wana loyi kumbe mutswari wo wundla loyi a hanyaka wo hetelela
• eka xiyimo xa ku amukeriwa ka n’wana loyi eka nhlangano wa mfumo
• loko mudende lowu wu nga koxiwi ku ringana tin’hweti tinharhu hi ku landzelelana
• loko u nga ha ri kona etikweni
• loko n’wana loyi a nga ri eka nhlayiso wa wena wa vuwundli
• loko u nga ha ri mubaleki.

Leswi u faneleke ku swi endla

1. Yana ehofisini ya Ejensi ya Timali ta Nhlayiso wa Vaaki ya Afrika-Dzonga  (SASSA) ya le kusuhi na laha u tshamaka kona naswona u ta na leswi landzelaka:
   • Pasi (ID) ra wena leri nga na bakhodi ya tidijiti ta 13 na xitifikheti xa ku velekiwa xa n’wana loyi.
   • Loko u ri mubaleki, phemiti ya xiyimo xa wena na ID ya vubaleki.
   • Loko u ri hava ID ya wena kumbe xitifikheti xa ku velekiwa xa n’wana loyi:
     • Tatisa afidavhiti eka fomo leyi tirhisiwaka ya SASSA emahlweni ka Muhlambanyisi loyi a nga riki ofixiyali ya SASSA.
     • Tana na xitatimente lexi hlambanyiweke lexi sayiniweke hi munhu loyi a tivekaka (wo tanihi khanselara, murhangeri wa ndhavuko, soxaliweka, mufundhisi kumbe nhloko ya xikolo) loyi a ku tivaka wena na n’wana loyi. 
     • Ofixiyali ya SASSA yi ta teka mugandlu wa tintiho ta wena. U ta kongomisiwa eka Ndzawulo ya Timhaka ta Xikaya ku ya endla xikombelo xa ID loko xikombelo xa wena xa ha ri eku tirhiweni. Loko u nga yi kumi ID, mudende wa wena wu ta yimisiwa nkarhinyana.
     • Rhumela vumbhoni bya leswaku u endlile xikombelo xa ID na/kumbe xitifikheti xa ku velekiwa eka Ndzawulo ya Timhaka ta Xikaya.
     • Rhumela ID ya nkarhinyana leyi nyikiwaka hi Ndzawulo ya Timhaka ta Xikaya (loko yi kumeka).
     • Tisa xitifikheti xa nkhuvulo loko xi ri kona.
     • Rhumela khadi ra tliliniki ra Road to Health loko ri ri kona.
     • Loko n’wana loyi a nghena xikolo, rhumela xitifikheti xa xikolo xa n’wana loyi.
   • (Swi)Xitifikheti xa ku velekiwa xa n’wana / vana, kumbe mapasi ya vona kusuka etikweni leri va humaka eka rona.
   • Xileriso xa khoto lexi xi vekeke n’wana loyi eka nhlayiso wa wena
   • Vumbhoni bya xiyimo xa wena xa vukati.
2. Tatisa fomo ya xikombelo emahlweni ka muofisiri wa SASSA (tekela enhlokweni leswaku ko va wena ntsena tanihi muendlaxikombelo kumbe muofisiri wa SASSA a nga tatisaka fomo ya xikombelo).
3. U ta nyikiwa rhasiti. Ri hlayise tanihi vumbhoni bya leswaku u endlile xikombelo.

Xana ku ta humelela yini loko xikombelo xa wena xi nga pasisiwi?

Loko xikombelo xa wena xi nga pasisiwi, SASSA yi ta ku tivisa hi ku tsala leswaku hikwalahokayini xi nga humelelangi.

Loko u kanetana na xiboho lexi, u nga aphila eka Holobye wa Nhluvukiso wa Vanhu ehofisini ya rixaka ya Ndzawulo ya Nhluvukiso wa Vanhu. U fanele ku aphila ku nga si hela 90 wa masiku ya ku tivisiwa leswaku xikombelo xa wena a xi humelelangi.

Xana swi teka nkarhi wo leha kufika kwihi

• Swi nga ha teka kufika eka tin’hweti tinharhu ku tirha xikombelo xa wena.
• Loko xikombelo xa wena xi pasisiwile, u ta hakeriwa kusuka eka siku leri khoto yi vekeke n’wana loyi eka nhlayiso wa wena harona.

Xana swi durha mali muni

Tifomo leti faneleke ku tatisiwa

Fomo leya xikombelo a yi kumeki eka Inthanete, kambe u nga yi kuma ehofisini ya SASSA ya le kusuhi na wena. 

Loyi u faneleke ku tihlanganisa na yena

Ejensi ya Timali ta Nhlayiso wa Vaaki ya Afrika-Dzonga (SASSA)