Kopo ya go ikwadisa jaaka motshwayaleruo

Ka ga go ikwadisa go tshwaya leruo

Fa o rata go tshwaya diphologolo go bona lotseno, o tshwanetse go dira kopo kwa Lefapheng la Temothuo, Jalo ya Dikgwa le Bodirelatlhapi (Mokwadisi: Temogo ya Diphologolo) go nna motshwayaleruo yo o kwadisitsweng.

Gore o kgone go ikwadisa o tshwanetse go konosetsa dirutwa tse di latelang:

• Tiori le thekeniki ya:
  • go tshwaya ka tshipi e e mogote
  • go tshwaya ka go gatsetsa
  • letshwaotlanyo
  • go kganela le go tshwaya diphologolo 
• Melao e e ka ga temogo le katlaatlelo ya diphologolo.

Jaaka motshwayaleruo, o tla tlhoka go nna le lenaane la diphologolo tse o di tshwaileng.

Se o tshwanetseng go se dira

1. Leletsa Mokwadisi wa Temogo ya Leruo kwa Pretoria mo nomoreng e (012) 319 6000 gore a go neele lenaane la ditheo tse o ka dirang dirutwa tse kwa teng.
2. Morago ga go konosetsa dithuto tse ka katlego, setheo sa thuto se tla go naya foromo gore o e tlatse.
3. Setheo se tla itsise Mokwadisi gore o konoseditse dithuto ka katlego mme o ka kwadisiwa jaaka motshwayaleruo.
4. Mokwadisi o tla go tsenya mo Lenanekwadisong la Bosetšhaba la Batshwayaleruo (National Register of Marking Operators).

Nako ya tiragatso

O tla kwadisiwa jaaka motshwayaleruo fa o fetsa dithuto.

Tuelo ke bokae

R 200
 

Diforomo tse di tladiwang

Setheo sa thuto se tla go naya diforomo fa o sena go konosetsa thuto eo.

O ka golagana le mang