Ka ga
Se o tshwanetseng go se dira
Nako ya tiragatso
Tuelo ke bokae
Diforomo tse di tladiwang
O ka golagana le mang
Ka ga tetla ya diromelwateng
Fa o ikaelela go tlisa dithoto tse di laolwang, dithoto tse di dirisitsweng, dithoto tsa seatla sa bobedi, dilatlhwa kgotsa dikgerekgere mo nageng, o tshwanetse go simolola ka go ikwadisa jaaka moromelateng le Tirelo ya Lotseno ya Aforika Borwa (SARS) mme o dire kopo go Khomišene ya Tsamaiso ya Kananyo ya Boditšhaba ya Aforika Borwa (ITAC) go bona tetla ya diromelwateng.
Tetla ya diromelwateng e netefatsa gore dithoto tse o eletsang go di romela teng di ikobela ditlhokego tsa naga tsa pabalesego, boleng, tikologo le boitekanelo. Di tshwanetse go ikobela gape le ditlamelo tsa ditumalano tsa boditšhaba.
Ditetla tse di thusa gape le go laola go tsena ga dithoto tsa maano a a rileng kgotsa dithoto tse disutlhisitsweng.
Pholisi e e dira mo thomelongteng ya dithoto e farologana go ya ka makala. Dithoto tse dintsi tse dišwa di gololwa go tswa mo mekgweng ya taolo ya diromelwateng. Le fa go le jalo, dithoto tsotlhe tse di dirisitsweng, tsa seatla sa bobedi, dilatlhwa le dikgerekgere di bewa ka fa tlase ga mekgwataolo ya diromelwateng.
Se o tshwanetseng go se dira
- Etela SARS mme o ikwadise jaaka moromelateng.
- Etela ITAC kgotsa sitlholola foromo e e maleba mo inthaneteng.
- Tlatsa diforomo.
- Isa diforomo go Bokaedi: Taolo ya Diromelwateng le Diromelwantle kwa ITAC.
Ela tlhoko:
- O ka romelelwa lenane la dithoto tse di bewang ka fa tlase ga mekgwataolo ya diromelwateng fa o ka naya ITAC dintlha tsa gago tsa kgokagano.
- Fa o tlhoka tshedimosetso ya pholisi ka ga go romelwa teng ga dithoto tse di rileng, neela dintlha tsa dithoto tse di tlileng go romelwa teng go ITAC, kantoro ya Taolo ya Diromelwateng le Diromelwantle.
Nako ya tiragatso
Ga ntsi ditetla tsa diromelwateng di rebolwa mo matsatsing a matlhano a tiro.
Tuelo ke bokae
Tirelo e ke mahala.
Diforomo tse di tladiwang
O tshwanetse go tlatsa le go isa fela foromo e e maleba le kopo ya gago:
- Application to register as an importer IE 230 (Kopo ya go ikwadisa jaaka moromelateng IE 230)
- Application for personal import purposes IE 463 (Kopo ya diromelwateng tsa sebele IE 463)
- Annexure to IE 463 application for importation of personal goods (Mametlelelo go IE 463 kopo ya thomeloteng ya dithoto tsa sebele)
- Application for commercial import purposes IE 461 (Kopo ya diromelwateng ka mabaka a kgwebo IE 461)
- Application for importation of chemicals IE 464 and annexure to H 464 (Kopo ya thomeloteng ya dikhemikhale IE 464 le mametlelelo go H 464)
- Application for second hand or used passenger vehicle IE462 and importation of used motor vehicle letter (Kopo ya serori sa bapalami sa seatla sa bobedi kgotsa se se dirisitsweng IE 462 le lekwalo la thomeloteng ya serori se se dirisitsweng).
O ka golagana le mang
ITAC national office - Import and Export Control
Tel: 0861 834 384, 012 394 3590, 012 394 3591
City/town: Pretora
Province: Gauteng
Physical address: International Trade Administration Commission, 77 Meintjies Street, Block D, Sunnyside, Pretoria, 0001
Postal address: Private Bag X753 Pretoria, 0001
Web address: http://www.itac.org.za