Kopo ya ngodiso jwalo ka moamohedi wa setswakantle

Dintlha ka

O lokela ho etsang

Nako ya tshebetso

Ditjeo ke bokae

Diforomo tse tlatswang

Dintlha tsa ho iteanya

Dintlha mabapi le phemiti ya ho tlisa thepa kahara naha 

Haeba o rera ho tlisa thepa e laolwang, thepa e sebedisitsweng, matlakala kapa thepa ya kgale e ka sebediswang hape kahara naha, pele o tlameha ho ingodisa jwaloka motlisathepa, le Tshebeletso ya Pokello ya Lekgetho ya Aforika Borwa (SARS) mme ebe jwale o etsa kopo Khomisheneng ya Tsamaiso ya Kgwebisano Matjhabeng ya Aforika Borwa (ITAC) bakeng sa phemiti ya ho tlisa thepa.

Phemiti ya ho tlisa thepa e netefatsa hore thepa eo o batlang ho e tlisa e ikamahanya le polokeho, boleng, ditlhoko tsa tikoloho le bophelo ba naha. Hape di tlameha ho phethahatsa ho ya ka ditlhoko tsa ditumellano tsa matjhaba.

Diphemiti di boetse di thusa ho laola phallo e kenang kahare ho naha ya thepa ya mofuta wa lewa kapa thepa e semokotsweng.

Leano le sebetsang ho tlisweng ha thepa le fapana ho tloha karolong e le nngwe ho isa ho e nngwe. Thepa e ngata e ntjha e dumelletswe ho se ikamahanye le mehato ya taolo ya ho tlisa kahara naha. Leha ho le jwalo, thepa kaofela e sebedisitsweng, matlakala le thepa ya kgale e ka sebediswang hape di itshetlehile mehatong ya taolo ya ho tliswa kahara naha.

O lokela ho etsang

1. Leba SARS mme o ingodise jwaloka motlisathepa.
2. Leba ITAC kapa fumana foromo ya kopo inthaneteng.
3. Tlatsa diforomo.
4. Isa diforomo Botsamaising: Taolo ya ho Tlisa le ho Romela Thepa ITAC.

Ela Hloko:

• O ka romellwa lenane la thepa e itshetlehileng mehatong ya taolo ya ho tlisa thepa ha o neha ITAC dintlha tseo ba ka iteanyang le wena ka tsona.
• Haeba o hloka tlhahisoleseding ya leano ka ho tliswa ha thepa e totobetseng, fana ka dintlha tsa thepa e lokelwang ho tliswa ho ITAC, kantoro ya Taolo ya ho Tlisa le ho Romela thepa.

Nako ya tshebetso

Hangata diphemiti tsa ho tlisa thepa di ntshwa nakong ya matsatsi a mahlano a mosebetsi.

Ditjeo ke bokae

Tshebeletso ke mahala.

Diforomo tse tlatswang

O tlameha ho tlatsa mme o ise feela foromo e o amang:

• Application to register as an importer IE 230  (Kopo ya IE 230 ya ho ingodisa jwaloka motlisathepa)
• Application for personal import purposes IE 463 (Kopo ya IE463 ya mabaka a motho a ho tlisa thepa kahare ho naha)
• Annexure to IE 463 application for importation of personal goods (Sehlomathiso ho kopo ya IE 463 ya ho tlisa thepa ya motho)
• Application for commercial import purposes IE 461 (Kopo ya IE 461 ya ho tlisa thepa ka mabaka a ho hweba)
• Application for importation of chemicals IE 464 and annexure to H 464 (Kopo ya IE 464 ya ho tliswa ha dikhemikhale le sehlomathiso ho H 464)
• Application for second hand or used passenger vehicle IE462 and importation of used motor vehicle letter (Kopo ya IE 462 ya koloi e sebedisitsweng le ho tliswa ha koloi e sebedisitsweng).

Dintlha tsa ho iteanya