Kha vha ite khumbelo ya thendelo ya u ṱunḓa

Ngaha

Zwine vha tea u ita

Tshifhingambekanywa

Zwi ita vhugai

Fomo dzi no tea u ḓadzwa

Vha kwama inyi

Nga ha khumbelo ya u renga nnḓa

Arali vha na muhumbulo wa u ḓisa thundu ire fhasi ha ndangulo, dzo no shumiswaho, mashika kana zwikirepe kha shango ḽino, vha fanela u thoma vha ḓiṅwalisa sa muṱunḓi kha Tshumelo ya zwa Mithelo ya Afrika Tshipembe ‘South African Revenue Service’ (SARS) vha kone ha u ita khumbelo kha Khomishini ya Ndaulo ya Mbambadzo ya Dzitshakha ya Afrika Tshipembe ‘Trade Administration Commission of South Africa’ (ITAC) u itela u wana thendelo ya u ṱunḓa.

Thendelo ya u ṱunḓa i vhona uri thundu ine vha khou ṱoḓa u i ṱunḓa, i a tevhedzela ṱhoḓea dza shango dza tsireledzo,mupo, mutakalo na u vha ya maimo. Dzi fanela u dovha dza tevhedzela mbetshelo dza thendelano dza dzitshakha.

Thendelo i dovha ya thusa kha u langula u dzena shangoni ha thundu dzine dza vha kha tshivhumbeo tsha zwiṱavhane kana dzine dza vha dzi tshi khou dzhena nga u tou dzumbetshedzwa.

Mbekanyamaitele dzine dza shuma kha u ṱunḓwa ha thundu dzo fhambana u ya nga sekithara. Vhunzhi ha thundu dzine dza vha ntswa a dzi ngo katelwa kha maga a ndaulo ya u ṱunḓa.  Fhedzi ha thundu dzoṱhe dzo no shumiswaho, mashika na zwikirepe dzi fanela u tevhedzela maga a ndaulo ya u ṱunḓa.

Zwine vha tea u ita

• Kha vha ye SARS vha ḓiṅwalisele u vha muṱunḓi.
• Kha vha ye kha ITAC kana vha wane fomo yo fanelaho kha webusaithi.
• Kha vha ḓadze fomo iyo.
• Kha vha ṋetshedze fomo idzo kha Vhalangi: Ndaulo ya u Vhambadela Nnḓa na u Ṱunḓa kha ITAC.

Kha vha dzhiele nnṱha:

• Vha nga fara mutevhe wa thundu dzine dza fanela u tevhedza maga a ndaulo ya u dzi ṱunḓa ye vha rumelwa nga vha ITAC na zwidodombedzwa zwavho.
• Arali vha tshi ṱoḓa zwidodombedzwa zwa mbekanyamaitele nga ha u ṱunḓa thundu dzo tiwaho, kha vha netshedze zwidodombedzwa zwa thundu dzine dza khou ṱunḓiwa kha ofisi ya Ndaulo ya u ṱunḓa na u vhambadzela nnḓa ya ITAC.

Tshifhingambekanywa

Zwifhinga zwinzhi thendelo ya u ṱunḓa i netshedzwa kha maḓuvha maṱanu a u shuma.

Zwi ita vhugai

Tshumelo ndi mahala.

Fomo dzi no tea u ḓadzwa

Vha fanela u ḓadza na u ṋetshedza fomo yo vha fanelaho fhedzi:

• Application to register as an importer IE 230  (Khumbelo ya u ḓinwalisa sa muṱunḓi IE 230)
• Application for personal import purposes IE 463 (Khumbelo ya ndivho ya u ḓiṱunḓela IE 463)
• Annexure to IE 463 application for importation of personal goods (Muengedzo kha  IE 463 Khumbelo ya u ḓiṱunḓela)
• Application for commercial import purposes IE 461 (Khumbelo ya u ṱunḓa hu na ndivho ya u rengisa IE 461)
• Application for importation of chemicals IE 464 and annexure to H 464 (Khumbelo ya u ṱunḓa dzikhemikhala IE 464 na muengedzo kha H 464)
• Application for second hand or used passenger vehicle IE462 and importation of used motor vehicle letter (Khumbelo ya u ṱunḓa goloi dzo no shumiswaho IE 462 na lunwalo lwa u ṱunḓa moḓoro yo no shumiswaho).

Vha kwama inyi