Isibawo sokuzitlolisa njengoletha ipahla ngenarheni

Okuphathelene 
Okufanele ukwenze
Isikhathi esibekiweko 
Kubiza malini
Amaforomo ekufanele uwazalise
Ungathintana nobani

 

 

Okuphathelene nephemithi yokungenisa ipahla ngenarheni

Nangabe ucabanga ukulethe ipahla elawulwa ngokomthetho, esebenzileko, engasiyitja, elahliweko namkha inkorokoro ngenarheni kumele utlolise mantanzi nabakwa South African Revenue Service i-SARS njengomngenisi wepahla ngenarheni bese wenze isibawo sephemithi yokungenisa ipahla ngenarheni kuKhomitjhana yokuLawula ukuThengiselana kweeNtjhabatjhaba yeSewula Afrika (International Trade Administration Commission of South Africa) i-ITAC.

Iphemithi yokungenisa ipahla ngenarheni iqinisekisa bonyana ipahla ofuna ukuyingenisa, ikhambisana nokuphepha, ikhwalithi, iimfuneko zebhoduluko nezamaphilo zenarha. Kumele godu zikhambisane nemibandela yeemvumelwano zeentjhabatjhaba.  

Amaphemithi arhelebha ukulawula ukungena kwepahla engena ngokungemthetho namkha ngokukhukhuthiswa.

Umgomo okhambisana nokungeniswa kwepahla uyahluka ngokwekoro enye nenye. Iimpahla ezinengi ezitja zona aziwalandeli amagadango wokulawulwa ngokungeniswako. Namkha kunjalo zoke iimpahla ezisebenzileko, ezingasizitja, ezisebenza kwesibili, okulahliweko neenkorokoro zona zimele zilandele amagadango wokulawulwa kwepahla engenako.

Okufanele ukwenze

  1. Tlolisa kwa-SARS njengomngenisi wepahla.
  2.  Khipha iforomo lokwenza isibawo kuwebhusayidi yakwa- ITAC.
  3. Zalisa iforomo.
  4. Yisa iforomo lakho e-ofisini lomNqophisi: UkuLawula ukuPhuma nokuNgena kwePahla kwa-  ITAC.

Tjheja:

  • Ungathola irhelo lepahla yoke okumele ilandele amagadango wokulawulwa kwepahla engenako, bangalithumele kuwe nange unganikela bakwa-ITAC imininingwana yakho yokuthintana.
  • Nangabe ufuna ilwazi ngomgomo wokungeniswa kwepahla ethileko, unganikela i-ofisi lokulawula ukungena nokuphuma kwepahla lakwa-ITAC imininingwana yepahla leyo.

Isikhathi esibekiweko

Esikhathini esinengi iphemithi yokungenisa ipahla ikhitjhwa emalangeni amahlanu wokusebenza.

Kubiza malini

I-ITAC ayikubhadelisi iimali zokukusebenzela kodwana wena kufanele ubhadele umthelo wepahla engeniswa ngenarheni kwa-SARS. Umthelo wepahla engeniswa ngenarheni ubalwa njengephesente lenani lepahla (elibekwe kumatjhejuli we-Customs and Excise Act). Nawufuna ilwazi elinabileko ngomthelo wepahla wakwa-SARS vakatjhela iwebhsayithi ye-SARS.

Amaforomo ekufanele uwazalise

Ungathintana nobani

 

ITAC national office - Import and Export Control

Tel: 0861 834 384, 012 394 3590, 012 394 3591
City/town: Pretora
Province: Gauteng
Physical address: International Trade Administration Commission, 77 Meintjies Street, Block D, Sunnyside, Pretoria, 0001
Postal address: Private Bag X753 Pretoria, 0001
Web address: http://www.itac.org.za

Share this page