Sicelo sekubhaliswa njengalongenisa imphahla ngekhatsi

Ngesi

Yini lekumele uyente

Sikhatsi semsebenti

Ngabe kubita malini

Emafomu lagcwaliswako

Ngubani longamutsintsa

Ngemvumo yekungenisa timphahla

Uma uhlela kuletsa timphahla letilawulwako, timphahla letisetjentisiwe, tintfo tekulahlwa nobe tikelebha kulelive, kumele ucale ngekubhalisa njengemngenisi wetimphahla neLuphiko lweNtsela lwaseNingizimu Afrika (i-South African Revenue Service) (SARS) emva kwaloko ufake iscelo semvumo yekungenisa timphahla neKhomishini Yekuphatsa Kuhwebelana Nemhlaba Wonkhe (i-ITAC).

Imvumo yekungenisa timphahla icinisekisa kutsi timphahla lohlose kutingenisa, titfobela tidzingo tekuphepha, ikhwalithi, tidzingo tesimondzawo netetemphilo telive. Kumele tiphindze tihambisane nemibandzela yetivumelwano temhlaba wonkhe.

Letimvumo tiphindze tisite kulawula kungena kwetimphahla teluhlobo lolutsite nobe timphahla letingeniswe ngemgugu.

Inchubomgomo lesebenta ekungenisweni kwetimphahla yehlukile kumikhakha leyehlukene. Timphahla letinsha letinyenti atifakwa kuletindlela tekulawula kungena kwetimphahla.. Nanobe kunjalo, tonkhe timphahla letisebentile, tintfo tekulahlwa nobe tikelebha kumele tilawulwe.

Yini lekumele uyente

1. Yani ku-SARS ubhalise njengemngenisi wetimphahla.
2. Yani ku-ITAC nobe utfola lifomu leligcwaliswako ku-inthanethi
3. Gcwalisa lamafomu
4. Faka lamafomu kuLuphiko: Luphiko Lwekulawula kungena nekuphuma kwetimphahla ku- ITAC

Khumbula:

• Ungalutfola luhlu lwetimphahla letilawulwako uma unganiketa i-ITAC imininingwane yakho yekutsintsana.
• Uma udzinga umniningwane wenchubomgomo ngekungeniswa kwetimphahla letitsite, niketa imininingwane yetimphahla letitawungeniswa ku-ITAC, ehhovisi Lekulawula Kungena Nekuphuma kwetimphahla.

Sikhatsi semsebenti

Etikhatsini letinyenti timvumo tekungeniswa kwetimphahla tikhishwa ngekhatsi kwemalanga ekusebenta lasihlanu.

Ngabe kubita malini

ITAC ayibhadaliseli umsebenti, kepha kutofanele ubhadale umtselo eSARS. Umtselo utobalwa njenge ncenye yesibalo saletimphahla (loku kubhalwe etigabeni Temtsetfo weMtselo). Kuze utfole leminye imininingwane ngemtselo waseSARS, vakashela indzawo yeSARS kungcondvomshini.

Emafomu lagcwaliswako

Kumele ugcwalise uphindze ufake lifomu lelisebenta kuwe:

• Application to register as an importer IE 230  (Sicelo sekubhalisa njengemngenisi wetimphahla IE 230)
• Application for personal import purposes IE 463 (Sicelo sekutimphahla leticondzene nawe IE 463)
• Annexure to IE 463 application for importation of personal goods (Sengeto ku-IE 463 sicelo sekungenisa timphahla letiondzene nawe)
• Application for commercial import purposes IE 461 (Sicelo setinhloso tekungenisa timphahla tekuhweba IE 461)
• Application for importation of chemicals IE 464 and annexure to H 464 (Sicelo sekungenisa emakhemikhali IE 464 kanye nesengeto ku-H 464)
• Application for second hand or used passenger vehicle IE462 and importation of used motor vehicle letter (Sicelo sencwadzi yemoti yebagibeli lesebentile nobe IE 462 kanye nencwadzi yekungenisa eveni imoti leesebentile).

Ngubani longamutsintsa