Ka ga
Se o tshwanetseng go se dira
Nako ya tiragatso
Tuelo ke bokae
Diforomo tse di tladiwang
O ka golagana le mang
Ka ga ntšhwafatso ya Moriana wa Temothuo
O tshwanetse go dira kopo ya go ntšhwafatsa kgotsa go phimola moriana wa gago wa temothuo morago ga dingwaga dingwe le dingwe di le tharo. Kopo ya gago e tshwanetse go kwadiswa le Mokwadisi wa Molao 36 wa 1947 kwa Lefapheng la Temothuo pele ga 31 Mopitlwe wa ngwaga wa bofelo o paka ya kwadiso e felelwang ke nako mo go yona.
Fa moriana wa temothuo o o batlang go o ntšhwafatsa o setse o kwadisitswe ke motho yo mongwe, o ka bona tetla go tswa mo mothong yoo pele o ntšhwafatsa.
O tshwanetse go tsenya moriana oo mo setshoding se se phepa se se tswalegang. Ga o a letlelewa go dirisa gape setshodi morago ga go dirisa moriana. Fa e le moriana wa temothuo wa seedi, o tshwanetse go netefatsa gore setshodi seo ga se tsholole moriana fa o o tshela. Setshodi sa gago se tshwanetse go ikobela Maemo a Bosetšhaba a Aforikaborwa a 10229.
Kantoro ya Kwadiso e romela makwalo a ntšhwafatso le diforomo tsa kopo go botlhe ba ba kwadisitseng mo pakeng ya dingwaga tse tharo.
Se o tshwanetseng go se dira
- Mokwadisi wa Molao 36 o tla golagana nao le go go romelela foromo.
- Ntšhwafatso:
- Tlatsa foromo ya kopo (Foromo A) ka seraro mme o e gatise o dirisa ditlhakakgolo fela.
- Isa foromo go Mokwadisi.
- Letlha la bofelo la ntšhwafatso ke 30 Seetebosigo.
- Phimolo:
- Tlatsa foromo B ka seraro mme o e gatise o dirisa ditlhakakgolo fela.
- Isa setifikheiti sa tota sa kwadiso.
- Dintlha tsa modirakopo:
- Tlatsa foromo C ya ntšhwafatso ya kwadiso go fetola rekoto ya mokwadisi ya dintlha tsa tlhaeletsano, sekao, aterese, nomoro ya mogala, le motho yo go ka golaganwang nae.
- Duela tlhotlhwa e e beilweng.
- Kgomaretsa khopi e le nngwe ya ditlhotlhomiso tse di tshegetsang
- Duela tlhotlhwa e e beilweng ya kwadiso.
- Fa e le gore o tla posa kopo ya gago, o tshwanetse wa duela tlhotlhwa e e beilweng ka otara ya poso go Mokaedikakaretso wa Temothuo. Fa o e is aka seatla, o tla duela tlhotlhwa eo ka madi a a seatleng.
- Romela foromo go mokwadisi
- Dira dikhopi tse tharo tsa foromo mme o di posetse go: The Registrar: Act No. 36 of 1947, Private Bag X343, Pretoria, 0001 kgotsa o di ise ka seatla kwa: The Registrar: Act No. 36 of 1947, Agriculture Place, 20 Steve Biko Street, Arcadia Pretoria.
Nako ya tiragatso
Kopo e tla diragadiwa fela morago ga go amogela kopo e e tletseng ya ntšhwafatso e na le Foromo A ka seraro, Foromo B le C ka sebedi le tlhotlhwa e e beilweng ya kwadiso ya kumo nngwe le nngwe.
Tuelo ke bokae
Diforomo tse di tladiwang
Kantoro ya Kwadiso e romela makwalo a ntšhwafatso le diforomo tsa kopo go botlhe ba ba kwadisitseng mo pakeng ya dingwaga tse tharo.
O ka golagana le mang
Directorate Agriculture Inputs Control
Tel: 012 319 7103/7847
E-mail address: AICHelpdesk@daff.gov.za
Physical address: 20 Steve Biko Street, Arcadia, Pretoria
Postal address: Department of Agriculture, Land Reform and Rural Development, Private Bag X343, Pretoria 0001