Ka ga
Se o tshwanetseng go se dira
Nako ya tiragatso
Tuelo ke bokae
Diforomo tse di tladiwang
O ka golagana le mang
Ka ga go kwadisa setheo sa thuto le katiso e e tswelelang sa poraefete
A setheo sa gago se batla go neelana ka dithutego tse di tletseng mo maemong a 2 – 4 a Letlhomeso la Bosetšhaba la Dithutego (NQF)? Go neelana ka dithutego tse, o tshwanetse go ikwadisa jaaka setheo sa poraefete sa FET le Department of Higher Education and Training (DHET) (Lefapha la Thuto e Kgolwane le Katiso) go ya ka Molao wa Dikholeji tsa Thuto e e Tswelelang le Katiso (Further Education and Training Colleges Act, 2006) kgotsa Molao wa bo16 wa 2006).
DiFET ke ditheo tsa botlhe kgotsa tsa poraefete tse di tlhomilweng, di goeleditsweng kgotsa di kwadisitsweng ka fa tlase ga Molao wa Dikholeji tsa FET 16, 2006 fela tse di latelang ga di tlhokfego go ka kwadisa le DHET:
- sekolo se se neelang dithulaganyo tsa thuto le katiso ka fa tlase ga Molao wa Dikolo tsa Aforika Borwa (South African Schools Act):
- setheo sa puso se se neelanang ka thuto le katiso
Ditheo tse di neelang dithuto tse dikhutshwane, dithulaganyo tse e seng tsa NQF kgotsa dikarolo tsa dithutego, ga di angwe ke kwadiso go ya ka Molao wa FET (Molao 16 wa 2006).
Se o tshwanetseng go se dira
- Tlatsa foromo ya kopo mme o e ise go DHET.
- Duela tuelo ya kopo e leng R500 e e sa busiweng go DHET ka tšheke, tuelo ka poso kgotsa madi a a seatleng.
Diforomo tse di tladiwang
Application for registration as Private Further Education and Training College
O ka golagana le mang
Lefapha la Thuto e Kgolwane le Katiso
Porofense: Gauteng
Toropo: Pretoria
Mogala: 012 312 5878
Fekese: 012 323 9838
Aterese ya lefelo: Department of Higher Education and Training: Directorate: Private FET Colleges, 6th Floor, Room 629, 123 Schoeman Street, Pretoria.
Aterese ya poso: Private Bag X174, Pretoria, 0001