Ka ga
Seo o swanetšego go se dira
Lebaka
E dira tshenyagelo ya bokae
Diforomo tšeo di swanetšwego go tlatšwa
Dintlha tša boikopanyo
Ka ga le go ngwadišwa bjalo ka Kholetšhe ya Praebete
Naa institšušene ya gago e nyaka go aba mananeothutotlalo mo maemong a 2 – 4 a National Qualifications Framework (NQF) Gore o abe mananeothuto ao o swanetše go ngwadiša bjalo ka kholetše ya praebete ya go aba dithuto tša godingwana le tlhahlo le Kgoro ya Thuto ya Godimo le Tlhahlo (DHET) go ya ka Molao wa Dikholetšhe tša Maemo a Godingwana le Tlhahlo (Further Education and Training Colleges Act), 2006 (Act No. 16 of 2006).
Di-FET ke dikholetšhe tša setšhaba goba tša praebete tše di thomilwego, tša goeletšwa goba tša ngwadišwa go ya ka FET Colleges Act, 2006. Le ge go le bjalo, diinstitšušene tše di latelago ga di gapeletšege go ingwadiša le DHET:
- dikolo tše di abago mananeothuto a godingwana le tlhahlo ka fase ga Molao wa Dikolo tš a Afrika Borwa (South African Schools Act)
- lekala la mmušo le le abago thuto le tlhahlo
Diinstitšušene tše di abago mananeothutokopana, mananeo a a sego mo go NQF goba e le karolo ya mananeothutotlalo, ga di gapeletšege go ingwadiša go ya ka FET Act (Act 16 of 2006).
Seo o swanetšego go se dira
- Tlatša fomo ya kgopelo gomme o e romele go DHET.
- Lefa tšhelete ya kgopelo ye e sa bušetšwego ya go lekana R500 go DHET ka tšheke goba otara ya poso le ge e le ka kheše.
Diforomo tšeo di swanetšwego go tlatšwa
Application for registration as Private Further Education and Training College
Dintlha tša boikopanyo
Kgoro ya Thuto ya Godimo le Tlhahlo
Profense: Gauteng
Toropo/-kgolo: Pretoria
Mogala: 012 312 5878
Fekse: 012 323 9838
Atrese ya ofising: Department of Higher Education and Training: Directorate: Private FET Colleges, 6th Floor, Room 629, 123 Schoeman Street, Pretoria.
Atrese ya poso: Private Bag X174, Pretoria, 0001