Bhalisa inkapani lengatfoli inzuzo

Ngesi ngekubhalisa inkapani lengatfoli inzuzo

Kute inhlangano yakho yemmango itsatsfwe njengalesemtsetfweni, kufanele uyibhalise njengenkapani  lengatfoli inzuzo (NPC) Netinkapani Tekhomishini Yekuhlakanipha Kwemphahla  (CIPC).

Ema-NPC atincenye letentelwe kusita bantfu, kuvikela simondzawo nobe kucelela inhloso lenhle. Tingafaka emasontfo, tinhlangano letisitanako netinhlangano temasiko. Injongo lenkhulu ye-NPC kuzuzisa ummango, hhayi kwenta inzuzo.
Imali lengenako nemphahla angeke yehlukaniswe kubahlanganisi, emalunga, bacondzisi nobe labasesikhundleni enkapanini lengatfoli inzuzo, ngaphandle uma kusincepheteliso lesivakalako setinsita labatiphakelile. Yonkhe imali lengenako nemphahla yenkapani lengatfoli inzuzo kufanele isetjentiselwe kutfutfukisa tinhloso tayo letibaliwe, njengaloku tivetwe kumbiko Lobhaliwe Wekuhlanganiswa. (MOI).

Linanincane lebahlanganisi labatsatfu kufanele bagcwalise babuye basayine le-MOI. Kufanele kucokwe linanincane lelitsatfu lebacondzisi.

Tinkapani letingatfoli inzuzo kufanele ngato tonkhe tikhatsi tibe nalokungenani nemcondzisi munye (ngaphandle uma i- MoI ikhombise linanincane lebacondzisi lelikhudlwana). Lokucokwa kwemgcinimabhuku namabhalane wenkapani akukaphocelelwa kodvwa uyatikhetsela

Ungabhalisa Inhlangano Lengatfoli Inzuzo nje nge:

• Inkapani lengatfoli Inzuzo leyetayelekile ( lenemalunga)  
• Inkapani lengatfoli Inzuzo leyetayelekile (ngaphandle kwemalunga) 
• Inkapani lengatfoli Inzuzo leguculiwe (lenemalunga), 
• Inkapani lengatfoli Inzuzo leguculiwe (lengenamalunga).

Libito lenkapani lengatfoli inzuzo kufanele ligcine nga - “NPC”.

Yini lekumele uyente

1. Bhalisa ngangcondvomshini njengelikhasimende leline -CIPC kute ukhone kuhwebelana ne- CIPC nobe bhalisa ngelikhasimende lelivele likhona sib. Cela umgcinimabhuku wakho kutsi akubhalisele.
2. Gcina libito lenkapani ngekugcwalisa Sicelo Sekugcina Libito, Form CoR 9.1. Kugcinelwa ligama kutsatsa sikhatsi lesitinyanga letisitfupha. 
3. Khokha imali yekufaka lengu- R75 uma usifaka ngesandla ukhokha R50 uma usifaka nge-elekthronikhi.     
4. Hambisa sicelo sakho naletincwajana letisekelako letilandzelako:
   • Emakhophi lafakazelwe epasipoti ( uma ub uya kulelinye live) nobe emakhophi lafakazelwe Amatisi (ID) (Uma uwaseNingizimu Afrika) abo bonkhe bacondzisi bekucala nobe labahlanganisako
   • ikhophi lefakazelwe yalofaka sicelo uma lesicelo singentiwa ngumunye webacondzisi bekucala labakhonjisiwe nobe bahlanganisi 
   • uma umhlanganisi angumuntfu lonemandla esikhundla, ligunya lemmeli lelivunyelwe kumela ngumuntfu lonesikhundla lonjalo kutsi ahlanganise inkapani nekutsi asayine tonkhe tincwajana letifanele. 
   • uma inkapani ihlanganiswa ngulomunye umuntfu bese usayina tincwajana letifanele tekuhlanganiswa esikhundleni samunye nobe bonkhe bahlanganisi nebacondzizi bekucala, ligunya lemmeli nekhopi yamatisi lefakazelwe yemuntfu lonjalo iyadzingeka. 
   • uma bekugcinwe ligama ngembi kwekufaka tincwajana tekuhlanganisa, kudzingeka kugcinwa kwelibito lelisebentako. 
5. Uma ubhalisa Inkapani Lengatfoli Inzuzo leyetayelekile (lengenawo emalunga), hambisa lokulandzelako:
   • CoR15.1C 
   • CoR 14.1 
   • tincwajana letisekelako 
   • letincwajana letilandzelako tingafakwa ku-CoR15.1C:
     • CoR14.1Aneksha A  
     • CoR14.1 Aneksha B  uma libito kufanele ligcinwe ekuhlanganisweni  
6. Uma umgcinimabhuku, emalunga elikomidi lemgcinimabhuku ne/nobe mabhalane wenkapani acokwa. Uma ubhalisa Inkapani Lengatfoli Inzuzo leyetayelekile (lengenawo emalunga), hambisa lokulandzelako:
   • CoR15.1D 
   • CoR 14.1 
   • tincwajana letisekelako 
   • letincwajana letilandzelako tingafakwa ne-CoR15.1D:
     • CoR14.1 Aneksha A 
     • CoR14.1 Aneksha B uma libito litawugcinwa ekuhlanganisweni  
     • CoR14.1 Aneksha C  uma kubiyelwa tindilinga 
     • CoR14.1 Aneksha D Uma umgcinimabhuku, emalunga elikomidi lemgcinimabhuku ne/nobe mabhalane wenkapani acokwa.
7. Uma ubhalisa Inkapani Lengatfoli Inzuzo leyetayelekile (lenemalunga), hambisa lokulandzelako:
   • CoR15.1E 
   • CoR 14.1 
   • tincwajana letisekelako 
   • Letincwajana letilandzelako tingafakwa ne-CoR15.1E:
     • CoR14.1 Aneksha A 
     • CoR14.1 Aneksha B uma libito litawugcinwa ekuhlanganisweni  
     • CoR14.1 Aneksha C  uma kubiyelwa tindilinga 
     • CoR14.1 Aneksha D Uma umgcinimabhuku, emalunga elikomidi lemgcinimabhuku ne/nobe mabhalane wenkapani acokwa.
8. Uma ubhalisa Inkapani Lengatfoli Inzuzo leyetayelekile (lengenawo emalunga), hambisa lokulandzelako:
   • CoR15.1D 
   • CoR 14.1 
   • tincwajana letisekelako 
   • letincwajana letilandzelako tingafakwa ne-CoR15.1E:
     • CoR14.1 Aneksha A 
     • CoR14.1 Aneksha B uma libito litawugcinwa ekuhlanganisweni  
     • CoR14.1 Aneksha C  uma kubiyelwa tindilinga 
     • CoR14.1 Aneksha D Uma umgcinimabhuku, emalunga elikomidi lemgcinimabhuku ne/nobe mabhalane wenkapani acokwa.

Uyacelwa kutsi ucaphele: Uma ligama leliphakanyisiwe lingatsatfwa, inkapani ingabhaliswa bese kutsi inombolo yekubhaliswa ibe libito lalen kapani ekuhlanganisweni, kuze kufike sikjhatsi lapho libito ligcinwe/livunywe.

Sikhatsi semsebenti

• Kutsatsa emalanga ekusebenta langu-5-10 kugcina libito lenkapani.
• Kungatsatsa emalanga ekusebenta langu-5 kuye eshumini kubhalisa inkapani lengatfoli inzuzo.

Ngabe kubita malini

• R175 – Umbiko Lobhaliwe(Kuye ngekuvunyelwa kwekuncishiswa) kunkapani lengatfoli inzuzo leyetayelekile  (CoR 15.1C).  
• R475 - Umbiko Lobhaliwe(Kuye ngekuvunyelwa kwekuncishiswa) etinkapani letingatfoli inzuzo letiguculiwe letinemalunga  (CoR 15.1D)  nobe lentingenawo emalunga (CoR 15.1E).  
• R50 wekugcinelwa ligama nge-elekthroniki. 
• R75 wekufaka ngesandla kubekelwa kwelibito.

Emafomu lagcwaliswako

Emafomu ekufaka sicelo ayatfolakala ku-Companies and Intellectual Property Commission / www.cipc.co.za. Lelisedvute nawe.

Ngubani longamutsintsa