Foramu ya mushumoni ndi komiti dza vhashumi dzo khethwaho nga vhashumi mushumoni. Vha ṱangana na vhatholi tshifhinga tshinzhi vha tshi itela vhukwamani kha mafhungo a mushumoni.
Foramu adzi thivheli nyambedzano vhukati ha mutholi na mbumbano ya vhashumi, fhedzi dzi shumana na mafhungo o teaho u tandululwa nga kha vhukwamani u fhirisa nga kha nyambedzano vhukati ha mutholi na mbumbano ya vhashumi. Hezwi zwi katela mafhungo a si a muholo, u fana na tshanduko ya mveledziso na u ḓivhadzwa ha thekhinoḽodzhi ntswa.
Foramu dza mushumoni dzi thoṅwa u itela u:
- ṱuṱuwedza madzangalelo a vhashumi vhoṱhe mushumoni, hu si fhedzi kha miraḓo ya mbumbano ya vhashumi
- engedza vhukoni mushumoni
- kwamana na vhashumi kha maṅwe mafhungo
- katela vhashumi kha tsheo dzo ṱanganelaho kha maṅwe mafhungo.
Kha vha wane zwinzhi ngaha u thoma foramu mushumoni kana vha kwame Khomishini ya Vhupfumedzani, Vhukonanyi, na Vhulamukanyi (CCMA).
