Amaforamu wemsebenzini akhiwa makomiti wabasebenzi akhethwe basebenzi eendaweni zemisebenzi. Amakomiti la ahlangana nabaqatjhi ngamalanga ukuze kuboniswane ngemiraro nezinye iindaba ekuhlangatjezwana nazo eendaweni zemisebenzi.
Amaforamu akajamiseleli iinkulumiswano ezenziwa mayuniyoni nabaqatjhi, kodwana asebenza ngeendaba ezibandakanya ukubonisana kuneenkulumiswano ezenziwa iyuniyoni nomqatjhi. Lokhu kufaka hlangana iindaba ezingabandakanyi imirholo, njengokwakhiwa kabutjha komkhiqizo nokwethula itheknoloji etja.
Amaforamu weendawo zokusebenzela ahlonywe ngehloso:
- yokuthuthukisa iinkghuluphelo zabasebenzi boke eendaweni zemisebenzi, ingasi kwamalunga wamayuniyoni wabasebenzi kwaphela
- yokuthuthukisa ukubanduleka eendaweni zokusebenzela
- yokubonisana nabasebenzi ngeendaba ezithize
- yokusiza abasebenzi bona bathathe isiqunto baboke eentweni ezithize.
Thola ilwazi elingezelelweko mayelana nokuhlonywa kwamaforamu eendaweni zokusebenzela nanyana thintana neKhomitjhini yokuThobelana, yokuColela nokuLamulisa (i-CCMA)