Lekgotla la lefelong la mošomo ke dikomiti tša bašomi ba ba kgethilwego ke bašomi lefelong la mošomo. Ba kopana le bengmošomo kgafetšakgafetša go rerišana ka ditaba tša lefelong la mošomo.
Makgotla a ga a eme legatong la ditherišano tša seboka, fela a šomana le ditaba tše di swanetšego ke go rarollwa ka mokgwa wa poelanyo go feta wa ditherišano tša seboka. Mo go akaretšwa ditaba tša go se amane le megolo, bjalo ka peakanyolefsa ya tšweletšo le go hlagiša theknolotši e mpsha.
Makgotla a lefelong la mošomo a hlongwetšwe go:
- godiša kgahlego ya bašomi ka moka lefelong la mošomo, e sego ya maloko a mekgatlo ya bašomi fela.
- godiša bokgoni lefelong la mošomo.
- rerišana le bašomi ka ditaba tše di itšego.
- akaretša bašomi go tšeeng dipheto tša mohlakanelwa ditabeng tše di itšego.
Hwetša dintlha ka botlalo mabapi le go hloma lekgotla la lefelong la mošomo goba ikgokaganye le Khomišene ya Kagišo, Poelano le Bonamodi (CCMA).
