Kha vha ṅwalise lushaka luswa lwa zwimela

Ngaha

Zwine vha tea u ita

Tshifhingambekanywa

Zwi ita vhugai

Fomo dzi no tea u ḓadzwa

Vha kwama inyi

Ngaha malugana na u ṅwalisa lushaka luswa lwa zwimela

Uri vha tendelwe u rengisa zwitanda (zwipiḓa zwa u ṱavha) zwi no bva kha zwimela, vha fanela u thoma vha zwi ṅwalisa kha mutevhe wa lushaka luswa lwa zwimela.

Musi vha sa athu u rengisa zwipiḓa zwa u ṱavha zwa dziṅwe tshaka dza zwimela Afrika tshipembe, vha fanela u ita khumbelo kha Muṅwalisi wa Khwiniso ya Zwimela uri lushaka luswa lwa zwimela lu ṱanganedzwe.

Vha nga humbela Muhasho wa Vhulimi, Maḓaka na Vhufuwakhovhe (DAFF) uri u dzhenise lushaka luswa lwa zwimela kha mitevhe ya zwimela zwo ṱanganelanaho u ya nga Mulayo wa Khwiniso ya Zwimela, wa 1976 (Thebulu ya 2 ya Mulayo).

DAFF i vhulunga mitevhe ya lushaka luswa lwa zwimela ya zwiliṅwa zwa vhulimi, miroho na mitshelo. Tshine tsha dzhielwa nṱha ndi ndeme ya tshimela kha ikonomi ya Afrika Tshipembe.

Zwimela zwi ṱanganelanaho zwi nga vhewa kha tevhekanywa (u dzhielwa nṱha) arali ṱhoḓea dzi tevhelaho dzo swikelelwa:

• Zwipiḓa zwa u ṱavha zwi fanela u tevhedza ṱhoḓea dza DUS (u sa fana na zwiṅwe, u fana na u sa shanduka):
  • tshi fanela u ṱalulea kha dziṅwe tshaka dzine dza fana natsho
  • tshi fanela u tou kwakwakwa (maimo mathihi), zwi ambaho uri zwimela zwoṱhe zwi fanela u vhonala zwi tshi fana kwakwakwa zwi na zwivhumbeo zwi no fana
  • tshi fanela u vha tshi sa shanduki, zwi ambaho uri, zwimela zwa lushaka lukene zwi fanela u vhonala dza zwe zwa thoma u ṱavhiwa, nga murahu ha u kaṋiwa lunzhi zwi vhonala sa zwenezwiḽa zwa u thoma
  • tshi fanela u vha tsha maimo ane a ṱanganedzea.

Zwine vha tea u ita

• Vha ise zwi tevhelaho kha Muṅwalisi wa Khwiniso ya Zwimela:
  • Fomo ya khumbelo yo ḓadziwaho yoṱhe 
  • Khweshenee ya thekhiniki 
  • Mbadelo dza khumbelo na u lingiwa dzo randelwaho 
  • Mbeu kana zwipiḓa zwa u ṱavha 
  • Thendelo ya muṋe yo tou ṅwalwaho, arali vha songo tou tshi thoma, u khetha kana u bveledza. 

• U itela u vhona phambano ya lushaka luswa lwa zwimela, vha sumbedze zwi khagala kha khweshenee ya thekhiniki uri shi nga vhambedzwa na lushaka lwa zwimela lufhio lune lwa nga vhambedzwa nalwo line lwa ḓivhea Afrika tshipembe
• Hu na datumu dzo randelwaho dzine maṅwalo na zwipiḓa zwa u ṱavha zwa fanela u iswa ngazwo kha Muṅwalisi. Hedzi datumu, dzine dza sumbedza tshivhalo tsha zwipiḓa zwa u ṱavha zwine zwa fanela u iswa na uri zwi isiwa ngafhi, dzi wanala nga khumbelo kha muṅwalisi.

Arali hu tshi ṱoḓea tsireledzo u ya nga pfanelo dza vhaṱavhi vha zwimela zwiswa, vhahumbeli vha eletshedzwa uisa khumbelo khathihi na kha Muṅwalisi wa Pfanelo dza Vhaṱavhi vha Zwimela Zwiswa uri vha vhulunge tshifhinga na tshelede.

Tshifhingambekanywa

Mushumo wa mutevhe wa lushaka luswa lwa zwimela u dzhia khalaṅwaha mbili dza u ṱavha.

Zwi ita vhugai

Mbadelo dza 2024/25

Fomo dzi no tea u ḓadzwa

• Application for the recognition of a variety (AppFormPIA-VL.doc)
• Provisions relating to the recognition of varieties (Table 2-PIA)

Vha kwama inyi