Ngwadiša mohuta wa semela

Ka ga

Seo o swanetšego go se dira

Lebaka

E dira tshenyagelo ya bokae

Diforomo tšeo di swanetšwego go tlatšwa

Dintlha tša boikopanyo

Ka ga go ngwadiša mohuta wa semela

Go rekiša peu goba semela (materiale woo o tswalago) go tšwa semeleng, o swanetše go e ngwadiša go lenaneo la mohuta wa dimela.

Pele o ka rekiša materiale wa go tswadiša wa mohuta wo o itšego wa semela mo Afrika Borwa, o swanetše go dira kgopelo go Mmušakarolo wa Kaonafatšo ya Dimela ya mohuta wa semela sa gago se se mpsha gore se  lemogwe.
  
O ka kgopela Kgoro ya Temo, Dithokgwa le Boreahlapi go akaretša semela se seswa mo mananeo a mehuta go ya ka mabaka a Molao wa Kaonafatšo ya Dimela, 1976 (Tafola ya 2 ya Molao).

Kgoro ya Temo, Dithokgwa le Boreahlapi e swara maneo a mehuta a dipuno tše dintši tše bohlokwa tša  temo, merogo le dienywa.

Lenaneo la mehuta ya dimela le ka dirwa (lemogwa) ge dinyakwa tše di latelago di fihleletšwe:

• Materiale wa go tswadiša o swanetše go obamela dinyakwa tša go kwagala, go swana le go se fetoge:
  • o swanetše go fapantšhwa gabotse go mohuta o mongwe wa legoro le lengwe
  • o swanetše go swanatše go swana (homotšinease), seo se ra gore dimela ka moka ge go bjalwadi swanetše go swana gomme di be le diphaphantšho tša go swana.
  • ga se ya swanela go fetoga, seo se ra gore semela sa mohuta wo o itšego  se swanetše, go swana ka morago ga temo e swanetše go lebelelega bjalo ka semela sa mathomo
  • e swanetše go ba le boleng bja go amogelega.

Seo o swanetšego go se dira

• Iša tše di latelago go Mmušakarolo wa Kaonafatšo ya Dimela:
  • fomo ya dikgopelo yeo e tladitšwego ka botlalo
  • dipotšišo tša thekniki 
  • tšhelete yeo e beilwego ya dikgopelo le ya tekolo 
  • peu goba materiale wa tswadišo 
  • tumelelo yeo e ngwadilwego go tšw go mong, ge o se wa tswadiša, wa kgetha  goba go tšweletša mohuta.

• Go kgonthiša phapano ya mehuta ye meswa, laetša gabotse mo dipotšišong tša thekniki gore ke mehuta efe ye mengwe yeo e tsebegago Afrika Borwa yeo mohuta wo moswa o ka bapetšwago le wona.
• Go na le matšatšikgwedi ao a beilwego ao ditokumente le materiale wa tswadišo di swanetšwego go išwa go Mmušakarolo. Matšatšikgwedi a, bontši bja materiale wa tswadišo woo o swanetšego go išwa le moo o swanetšego go išwa gona, di hwetšagala ka kgopelo go tšwa go Mmušakarolo.  

Ge tšhireletšo go ya ka ditokelo tša tswadiši ya dimela e nyakega, bakgopedi ba eletšwa go tliša dikgopelo go tee go Mmušakarolo wa Ditokelo tša Tswadišo ya Dimela go boloka nako le tšhelete.

Lebaka

Tshepedišo ya lenaneo la mehuta le tla tšea sehla se tee goba tše pedi.

E dira tshenyagelo ya bokae

Ditefišo tša 2024/25

Diforomo tšeo di swanetšwego go tlatšwa

• Application for the recognition of a variety (AppFormPIA-VL.doc)
• Provisions relating to the recognition of varieties (Table 2-PIA)

Dintlha tša boikopanyo