Dintlha ka
O lokela ho etsang
Nako ya tshebetso
Ditjeo ke bokae
Diforomo tse tlatswang
Dintlha tsa ho iteanya
Dintlha ka mabapi le ho ngodisa mefutafuta ya semela
Ho rekisa peo kapa dikarolwana tsa yona (semela se ikatisang) tse tswang semeleng, o tlameha ho qala ka ho e ngodisa lenaneng la mefutafuta.
Pele o ka rekisa semela se ikatisang sa mefuta e itseng ya semela Aforika Borwa, o tlameha ho etsa kopo Ngodisong ya Ntlafatso ya Dimela hore mofutafuta wa semela sa hao se setjha o ananelwe.
O ka nna wa kopa Lefapha la Temothuo, Meru le Ditlhapi (DAFF) ho kenyeletsa mofutafuta wa semela se setjha mananeng a mefutafuta ho ya ka Molao wa Ntlafatso ya Dimela wa 1976 (Tafole ya 2 ya Molao).
DAFF e boloka manane a mefutafuta bakeng sa dijalo tse bohlokwa haholo tsa temo, meroho le ditholwana. Ntlha ya phumano ke bohlokwa ba semela moruong wa Aforika Borwa.
Mofutafuta wa semela o ka kenngwa lenaneng (ananelwa) haeba ditlhoko tse latelang di kgotsofaditswe:
- Semela se ikatisang se tlameha ho phethahatsa ho ya ka ditlhoko tsa DUS (phapano, tshwano le botsitso):
- se tlameha ho fapana le mofutafuta ofe kapa ofe wa semela
- se tlameha ho tshwana, k.h.r. dimela kaofela serapeng di tlameha ho tshwana mme di be le makgetha a tshwanang
- se tlameha ho tsitsa k.h.r dimela tsa mofutafuta o itseng di tlameha ho dula di tshwana le dimela tsa sethato kamora ho lema ho iphetaphetang
- se tlameha ho ba le sehlopha se amohelehang.
O lokela ho etsang
- Isa tse latelang ho Mongodisi wa Ntlafatso ya Dimela:
- foromo ya kopo e tlatsitsweng ka botlalo
- lenanepotso la setegniki
- ditjhelete tse behetsweng tsa kopo le tlhahlobo
- peo kapa semela se ikatisang
- tumello e ngotsweng ho tswa mong wa sona, ebang o sa hlahisa kapa wa kgetha mofuta.
- Ho fumana phapang ya mefutafuta e metjha, bontsha ka ho hlaka lenanepotsong la tegniki hore mofutafuta o motjha o tlameha ho bapiswa le mefutafuta efe e meng e tsejwang Aforika Borwa.
- Ho na le matsatsi a behetsweng ao ho oona ditokomane le semela se ikatisang di tlamehang ho iswa ho Mongodisi. Matsatsi ana, bongata ba semela se ikatisang se tlamehang ho iswa le moo se tlamehang ho iswa teng, di fumaneha ka kop oho Mongodisi.
Haeba ho ya ka ditokelo tsa bahlahisi ba dimela ho hlokeha tshireletso, bakopi ba eletswa ho isa dikopo ka nako e le nngwe le Mongodisi wa Ditokelo tsa Bahlahisi ba Dimela ho boloka nako le tjhelete.
Nako ya tshebetso
Tsamaiso ya ho kenngwa lenaneng ha mefutafuta e tla nka sehla se le seng ho isa ho tse pedi tsa kgodiso.
Ditjeo ke bokae
Diforomo tse tlatswang
- Application for the recognition of a variety (AppFormPIA-VL.doc)
- Provisions relating to the recognition of varieties (Table 2-PIA)
Dintlha tsa ho iteanya
National office
Director: Plant Production
Department of Agriculture, Forestry and Fisheries
Private bag x250
PRETORIA
Tel: 012 319 6079/6072
Fax: 027 12 319 6372
E -mail: DPP@dalrrd.gov.za
Physical address: Harvest House, 30 Hamilton Street, Arcadia, Pretoria
