Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani
Okuphathelene nokurejistara iintjalo ezimihlobohlobo
Ukuthengisa isada nanyana imisiko (ukurhatjha imetheriyali) ebuya eentjalweni, kufanele uthome ntanzi ngokobana urejistare erhelweni lemihlobohlobo ehlukahlukeneko.
Ngaphambi kobana uthengise amametheriyali arhatjha akhiqize eminye imihlobo yeentjalo eSewula Afrika , kufanele ufake isibawo kuRejistra yokwenza ngcono iintjalo mayelana nesitjalo sakho esitjha esihlukahlukeneko ukobana sithokozwe nanyana sikhunjulwe.
Ungabawa umNyango wezeLimo, amaHlathi kanye neenHlambi (i-DAFF) ukobana ufake hlangana imihlobohlobo yesitjalo esitjha erhelweni lemihlobohlobo ngokutjho komThetho wokwenza ngcono iinTjalo, ka-1976 (Ithebula 2 yomThetho).
I-DAFF itjheja imihlobohlobo yamarhelo mayelana nezelimo eziqakathekileko, imirorho kanye nemikhiqizo yeenthelo.
Itshwayo elitjheja lokho kuqakatheka kweentjalo emnothweni weSewula Afrika. Imihlobohlobo yeentjalo ingarhenyiswa (ikhunjulwe) nangabe leendingo ezilandelako kuyahlangabezanwa nazo:
- Amametheriyali arhatjha bekakhiqize kufanele akhambisane neendingo ze-DUS (ukuhlukana, ukukhambisana kanye nokunzinza):
- kufanele ukghone ukuwahlukanisa kweminye imihlobo yalokho okufanako
- kufanele akhambisane (afane), okutjho bona zoke iintjalo eplantini kufanele zifane begodu zibe namatshwayo afanako
- kufanele anzinze angatjhuguluki okutjho bona, iintjalo zemihlobhlobo ethileko, ngemva kokubuyelelwa kanengi kulinywe kufanele iqaleke ifana neentjalo zamambala zokuthoma
- Kufanele ibe nobungako obamukelwako.
Okufanele ukwenze
- Thumela lokhu okulandelako kuRejistra emayelana nokwenza ngcono iinTjalo:
- Iforomo lesibawo elizalisiweko
- Irhelo lemibuzo ethekhnikhali
- Iimali zesibawo kanye nezokuhlola ezibekiweko
- Isada nanyana imethiriyali erhatjha imikhiqizo
- Imvumo egunyazako etlolwe phasi ebuya kumnikazi, nangabe awukatjali, ukhethe nanyana uthuthukise imihlobohlobo.
- Ukuze ubone imahluko yemihlobohlobo emitjha, itjho kuhle kurhelo lemibuzo ethekhnikhali lapha eminye imihlobohlobo eyaziwako eSewula Afrika nakungenzeka imihlobohlobo emitjha imadaniswe nayo.
- Kunamalanga aquntiweko okungilawo imitlolo kanye namametheriyali arhatjhwako akhiqiziweko okufanele ithunyelwe ngawo begodu nokobana kufanele isiwe kuphi, iyatholakala lokha nawuyibawako kuRejistra.
Nangabe ivikeleko ngokutjho kwamalungelo wokutjala iintjalo liyafuneka, abafakiimbawo bayayeleliswa ukobana bathumele iimbawo ngesikhathi sinye kuRejistra emayelana namaLungelo wokuTjala iinTjalo ukonga isikhathi kanye nemali.
Isikhathi esibekiweko
Ikambiso yerhelo lemihlobohlobo izakuthatha isikhathi somnyaka sinye ukuya kwezimbili zokukhulisa.
Kubiza malini
Amaforomo ekufanele uwazalise
- Application for the recognition of a variety (AppFormPIA-VL.doc)
- Provisions relating to the recognition of varieties (Table 2-PIA)
Ungathintana nobani
National office
Director: Plant Production
Department of Agriculture, Forestry and Fisheries
Private bag x250
PRETORIA
Tel: 012 319 6079/6072
Fax: 027 12 319 6372
E -mail: DPP@dalrrd.gov.za
Physical address: Harvest House, 30 Hamilton Street, Arcadia, Pretoria