Khumbelo ya ḽaisentsi ya tshikwekwete tshapo tsha u rea khovhe

Ngaha na khumbelo ya ḽaisentsi yapo ya tshikepe tsha u rea khovhe

Uri vha tendelwe u reila tshikepe tshapo tsha u rea khovhe Afrika Tshipembe, tshikepe tshi fanela u vha tsho ṅwaliswa tshi na fuḽaga ya Afrika Tshipembe. Vha fanela u ita khumbelo ya ṱhanziela ya tsireledzo kha South African Maritime Safety Authority na ḽaisentsi ya Tshikepe tsha u rea khovhe kha Muhasho wa Vhulimi, Maḓaka, na Vhufuwakhovhe wa Kapa.

Uri vha tendelwe vha fanela u vha:

• Mudzulapo wa Afrika Tshipembe a re na vhuṋe ho fhelelaho na ndango ya tshikepe, kana
• Dzangano, tshigwada kana ḽihoro ḽo ḓiṅwalisaho Afrika Tshipembe ḽi re na mikovhe minzhi na pfanelo dza u voutha dzi shi langiwa Afrika Tshipembe.

Tshikepe tshapo tsha u rea khovhe tshi katela gere dzoṱhe, tshomedzo, mbulungelo, mihwalo na zwivhaswa zwi re khatsho. Zwi nga ḓi katela na tshikepe kana zwikepe zwivhili na u fhira zwi re lwanzheni zwi tshi khou mishumo ine ya tshimbilelana na vhureakhovhe.

Hezwi zwi katela, fhedzi zwi sa gume kha:

• U lugisela
• Nḓisedzo
• U vhulungela
• U vhea firidzhini
• U endedza, kana u phurosesa
• U ḓidzhenisa kha zwa u rea khovhe kha Exclusive Economic Zone (EEZ)/maḓi a dzitshakatshaka nga fhasi ha fuḽaga ya Afrika Tshipembe.

Vha dzhiele nzhele. Zwi a farelwa u shumisa tshikepe tshi songo ṅwaliswaho. Arali vha sin a pfanelo dza u rea khovhe, vha fanela u vha na thendelano na muthu a re na pfanelo ya u reila tshikepe tshavho.

A huna tshikepe tsho ṅwaliselwaho zwa makwevho tshine tsha tendelwa u shumiswa kha zwa vhuḓimvumvusi.

Zwikepe zwo ṅwaliselwaho zwa makwevho zwi na pfanelo yazwo ya u rea khovhe nahone zwi nga shumiswa fhedzi kha pfanelo yeneyo.

Tshifhinga tshine tshikepe tsha shuma tshone tsho livhiswa na u shuma ha ṱhanziela ya SAMSA. 

Zwine vha tea u ita

1. Kha vha dzudzanye uri tshikepe tshi ṱoliwe nga vha Samsa uri tshi kha ḓi vha tsho lugela u shuma lwanzheni naa ho tevhelwa maitele a ṱholo ya u wana ṱhanziela ya tsireledzo. 
2. Kha vha daunuḽoude Khumbelo ya ḽaisentse yapo ya tshikepe tsha u rea khovhe, vha i ḓadze nga maleḓere danzi.
3. Kha vha dzhenise:
   • khophi yo sethifiiwaho ya ṱhanziela yavho ya zwino ya Samca.
   • khophi yo sethifaiwaho ya thendelano na mufari wa thendelo ya u rea(fhedzi arali vhone vha si muṋe wayo) 
   • khophi yo sethifaiwaho ya tshiga tsha u vhidzelela radio (arali zwi tshi ṱoḓea) 
   • vhurifhi ha thendelo (zwi ṱoḓea  fhedzi arali hu tshi vho vha na muṅwe ane a khou itela khumbelo muṋe wa tshikepe). 
4. Kha vha ite mbadelo dzo tiwaho kha akhaunthu hei:
   Bannga: First National Bank
   Nomboro ya akhaunthu: 62123256382
   Mufuda wa akhaunthu: Current
   Dzina ḽa akhaunthu: Marine Living Resources Fund
   Dzina ḽa davhi: Corporate Account Services CapeTown
   Khoudu ya davhi: 204-109
   Kha vha lidzele senthara ya tshumelo ya murengi kha 021 402 3911 / 086 000 3474 u itela u ṋewa nomboro ya u vha ḓivha. 
   Vha nga badela nga kheshe kana nga zwa eḽekhiṱhironiki (EFT). Vha humbelwa uri vha ṱhogomele uri arali zwa EFT zwi songo itwa u bva kha First National Bank  vha ḓo tea u lindela lwa iri dza 24. 
5. Vha rumele khumbelo yavho kha  Muhasho wa Vhulimi, Vhusimamiri na Vhureakhovhe, Private Bag X2, Roggebaai, Cape Town, 8012. 
6. Vha fakisele khwaṱhisedzo ya  mbadelo kha Senthara ya Tshumelo ya Murengi kha 021 402 3362/3081/3670  na uri vha humbele khwaṱhisedzo ya uri zwo ṱanganedzwa.
7. Kana vha nga kha ḓi  ya  u ita khumbelo nga u tou dalela Senthara ya Tshumelo ya Murengi , Fuloro ya Fhasi, Foretrust Building, Martin Hammerschlag Way, Foreshore, Cape Town. Vha humbelwa u ḓa na khophi dzo sethifaiwaho ya maṅwalo na mbadelo dzine dza khou ṱoḓea.         

Tshifhingambekanywa

Khumbelo i nga kha ḓi dzhia maḓuvha mararu kana u fhira u bva ḓuvha ḽe vha khwaṱhisedza mbadelo, fhedzi vha tea u vha vho ḓisa khumbelo nga nḓila yone.

Zwi ita vhugai

Tariffs for each service is reflected on the application form. 

Fomo dzi no tea u ḓadzwa

Khumbelo ya ḽaisentse yapo ya tshikepe tsha u rea khovhe (Application for a local fishing vessel licence)

Vha kwama inyi