Senthara ya U ṱanganedza Matshudeni ya Vhukati (CACH) i thusa matshudeni vhe vha si fhiwe zwikhala yunivesithi kana gudedzini he vha vha vho ita khumbelo hone, u wana tshikhala kha dziṅwe yunivesithi kana magudedzi.
Arali ni khou ṱoḓa u guda kha tshiimiswa tsha pfunzo ya nṱha, itani khumbelo thwii kha yunivesithi na magudedzi zwine na vha na dzangalelo ḽazwo nga u ṱavhanya musi zwi tshi vulela u ṱanganedza khumbelo.
Tshiimiswa tsha CACH tshi ḓo rumela zwidodombedzwa zwa mutshudeni ane a khou ṱoḓa u guda kha dziyunivesithi magudedzi a vhupfumbudzi ha pfunzo ya u gudela mishumo ya zwanḓa na zwa thekhinikhala (TVET) na vhugudi nga ngomu ha ndaulo dza pfunzo ya sekhithara na vhupfumbudzi (dziSETA). Hune ha vha hu na tshikhala nahone ni tshi swikelela ṱoḓea, zwiimiswa zwi ḓo ni kwama u ṋetshedza tshikhala.
Dziyunivesithi na magudedzi a zwi ṱanganedzi khumbelo ‘Dzi itiwaho henefho ’.
Ṅwalisani kha inthanethe kha CACH website kana na kwama tshumelo ya CACH u bva nga Phando u swika nga Luhuhi vhukati ha 8h00 na 20h00 kha 0800 356 635. Iṅwe nḓila, ni rumele SMS ya dziṋe na nomboro ya ID zwaṋu kha 49200.
