U fanele ku hakela mali ya lembe eka ntsariso lowu naswona loko u tsandzeka ku hakela mali leyi u nga hlongoriwa entsarisweni. Loko ku ve, hi xivangelo xin’wana u hlongoriwile entsarisweni, u nga tiponisa hi ku apulayela ku vuyerisiwa no hakela mali yo vuyerisiwa.
Ku suriwa loko u swi lava entsarisweni swa koteka loko u tiyimiserile ku ka u nga tirheli eAfrika-Dzonga nkarhi wo karhi. U nga yisa xikombelo xo tsariwa ku nga se fika ti 31 ta Nyenyankulu elembeni loko u lava ku suriwa hi ku swi lava.
Ku na swiyenge swa ntsevu leswikulu swo titsarisela (a hi swiyenge hinkwaswo leswi laveka eka mintirho hinkwayo), swa boxiwa:
- Ntsariso wa swichudeni
- Ntsariso wa Tiinthene
- Vukorhokeri bya Vaaki
- Ku tirha u ri Wexe (ku katsa Vatsarisi lava nga eku leteriweni eka nhlawuleko wo karhi)’
Swiyenge swin’wana swa ntsariso wa nkarhinyana kumbe lowu nga aleriwa wu katsa:
- Dyondzo
- Mudyondzi loyi a nga pasa dyondzo yo sungula
- Mutinyiketeri
Swiletelo swa ntsariso swa hambana ku suka eka Bodo ya Vatirhi ku ya eka yin’wana. Xiletelo xa vuxokoxoko bya swilaveko swa ntsariso swa kumeka swa Tibodo ta 12 ta Vatirhi:
- Vutshunguri bya Meno na ku Basa ka Miri
- Vatirhi va swa Madyelo
- Nhlayiso wa Xihatla
- Rihanyu ra Mbangu
- Vutshunguri na Meno
- Thekinoloji ya Vutshunguri
- Vutshunguri eMintirhweni, vutshunguri / tinhonga na vutshunguri bya vutshila
- Swa Mahlo na Vatshunguri va mahlo lava nga tiyimela voxe
- Swa Marhambu, Minkondzo na Vutiolori
- Swa Miehleketo
- Nkambelo hi Ekisirheyi na Thekinoloji ya Tlilinikali
- Mintirho ya Mbulavulo, Ririmi no Twa
Tifomo ta swikombelo na vuxokoxoko byo tala eka ntirho wun’wana na wun’wana swa kumeka eka webusayiti ya HPCSA.