Kubhalisa kuMkhandlu Wetingcweti Tetemphilo WaseNingizimu Afrika (HPCSA) kusisekelo lesibalulekile sekusebenta ngebungcweti, kubuye futsi kube sidzingo setemtsetfo kugcina yonkhe imininingwane isesikhatsini sanyalo ngato tonkhe tikhatsi.
Ufanele ukhokhe imali lekhokhwa njalo ngemnyaka yalokubhalisa futsi kwehluleka kukhokha lemali kungaholela ekutsini ukhishwe ebhukwini ekubhaliswa kulo. Nangabe, ngetizatfu letitsite uyakhishwa ebhukwini lekubhalisa, ungatihlenga ngekutsi ufake sicelo sekutsi ubuyiselwe ngekutsi ukhokhe imali yekubuyiselwa.
Kutikhipha wena ngebuwena ebhukwini lekubhaliswa kungenteka nangabe awukacondzi kusebentisa bungweti bakho eNingizimu Afrika sikhatsi lesitsite lesiniketiwe. Ngenisa sicelo lesibhaliwe ngembi kwemhla tingema-31 Indlovulenkhulu yemnyaka lofuna kutikhipha ngawo ebhukwini lekubhaliswa.
Kunemikhakha yekubhalisa lemikhulu lesitfupha (akusiyo yonkhe imikhakha lesebenta kubo bonkhe bungcweti), ngulena:
- Kubhalisa Kwetitjudeni
- Kubhalisa Kwalaba Labatetayeta Likhono Lebungcweti
- Kusebentela Ummango
- Kusebenta Ngekutimela (kufaka ekhatsi Bomabhalane labaceceshelwa umkhakha lotsite lokhetsekile)
Leminye imikhakha yekubhalisa kwesikhashana noma lenemkhawulo ifaka ekhatsi:
- Temfundvo
- I-Post Graduate
- Kuvolontiya
Tinkhombandlela tekubhalisa tiyehlukana kusuka kuBhodi Yebungcweti ngayinye kuye kulenye. Kukhona inkhombandlela lebanti yetidzingo tekubhalisa teBhodi Yebungcweti ngayinye:
- Kwelashwa ematinyo netekuhloba kwemlomo
- Lababukene nekudla ngendlela lenemphilo
- Tekunakekelwa ngalokuphutfumako
- Temphilo yendzawo
- Tekwelashwa netematinyo
- Bucwepheshe betekwelashwa
- Occupational Therapy, i-medical orthotics nome ema-prosthetic ne-arts therapy
- Temehlo Nabodokotela Bemehlo labaniketana imitsi
- I-Physiotherapy, Podiatry ne-Biokinetics
- Psychology
- Kusebenta kwengcondvo netindlela takoI-Radiography ne-Clinical Technology
- Bungcweti benkhulumo, Lulwimi Nekuva etindlebeni
Emafomu ekufaka sicelo kanye nelwatiso lolubanti mayelana nebungcweti ngabunye kuyatfolakala kuwebhusayithi ye-HPCSA.