Ukubhalisa ngaphansi koMkhandlu woChwepheshe bezeMpilo waseNingizimu Afrika (i-HPCSA) kuyisidingo ukuze ukwazi ukusebenza kulo mkhakha, futhi kuyisidingo ngokomthetho ukuze yonke imininingwane yomuntu ihlale isesimweni.
Kufanele ukhokhe inkokhelo yonyaka ukuze ubhaliswe futhi ukwehluleka ukwenza le nkokhelo kungaholela ekusulweni kwegama lakho ohlwini lwerejista. Uma, ngenxa yesizathu esithile usuliwe kurejista, ungafaka isicelo kabusha bese ukhokha imali yokuvuselelwa kokubhalisa kwakho.
Ukuzikhipha ngokuthanda kwakho kurejista kuyenzeka uma ungazimisele ngokusebenzisa iziqu zakho kulo mkhakha eNingizimu Afrika isikhathi esithile. Letha isicelo sakho ngaphambi komhla zingama 31 kuNdasa wonyaka ofisa ukwesulwa ngawo.
Kunemikhakha eyisithupha eqavile (akusiyo yonke imikhakha esebenza kubo bonke ubuchwepheshe bomsebenzi), okuyile:
- Ukubhaliswa kwabafundi
- Ukubhaliswa kwabaphothule izifundo abaqeqeshelwa umsebenzi
- Ukusiza umphakathi
- Ukusebenza ngokuzimela (kubandakanya ababhalisayo abaqeqeshwa emkhakheni othile okhethekile)
Eminye imikhakha yokubhaliswa kwesikhashana noma okunemikhawulo kubandakanya:
- Ezemfundo
- Umfundi osephothule iziqu zokuqala
- Ukuvolontiya
Imiyalelo yokubhalisa iyahluka ngokweBhodi yoMkhakha wezeMpilo ngamunye. Umyalelo onamareferensi ocacile uyatholakala futhi unezidingo zokubhalisa zawo wonke la maBhodi ayi-12 emiKhakha:
- I-Dental therapy and oral hygiene
- I-Dietetics and nutrition
- I-Emergency care
- I-Environmental health
- I-Medical and dental
- I-Medical technology
- I-Occupational therapy, medical orthotics / prosthetics and arts therapy
- I-Optometry and Dispensing Opticians
- I-Physiotherapy, Podiatry and Biokinetics
- I-Psychology
- I-Radiography and Clinical Technology
- I-Speech, Language and Hearing Professions
Ungathola amafomu okufaka izicelo kanye nemininingwane eyengeziwe ngomkhakha ngamunye kwisizindalwazi sakwa-HPCSA.