Go ingwadiša le Lekgotla la Afrika Borwa la Mešomo ya tša Maphelo (HPCSA) go bohlokwa kudu go mošomo wa seprofešenale le gona go a hlokega go ya ka molao go dira gore dintlha mabapi le bowena di dule di le mo maemong a maleba ka dinako tšohle.
O swanetše go lefa tšhelete ya ngwaga mabapi le boingwadišo bjo, gomme go palelwa ke go lefa go ka hlola gore o fegwe lenaneong. Ge e le gore ka tlase ga mabaka a itšego o fegwa lenaneong, o ka fetola seo ka go dira kgopelo gape gore o bušetšwe le go lefa tšhelete ya go bušetšwa
Go phumula boleloko ka boithaopo go a kgonagala ge e le gore ga se wa ikemišetša go dira mošomo wa profešene yeo ka Afrika Borwa tekano ya nako ye e itšego. Iša kgopelo ya go ngwalwa pele ga la 31 Hlakola ya ngwaga wo o phumudišago boleloko bja gago ka boithaopo.
Go na le dikarolo tše tshela tša boingwadišo (dikarolo tše ga di šome go mešomo ka moka) maina a tšona ke:
- Boingwadišo bja Baithuti
- Boingwadišo bja Moithutelamošomo
- Ditirelo tša Badudi
- Go šoma ka boikemo (go akaretša Bangwadiši bao ba tlhahlwago ka lekaleng le le itšego)’
Makala a mangwe a boingwadišo bja lebakanyana goba bjo bo thibetšwego a akaretša:
- Thuto
- Mangwalo a Dithuto tša ka Godimo ga Tikrii
- Boithaopi
Ditaetšo tša boingwadišo di fapana go tloga go Boto ya Mešomo ye nngwe go ya go ye nngwe. Taetšo yeo e nago le dintlha ka botlalo e a hwetšagala mabapi le dinyakwa tša boingwadišo go Diboto tše 12 tša Mešomo ye nngwe le e nngwe ya:
- Kalafo ya meno le hlokomelo ya legano
- Ditsebi tša dijo le phepo ye botse
- Tlhokomelo ya tša tšhoganetšo
- Paballo ya maphelo a Tikologo
- Tša kalafo le tša Meno
- Theknolotši ya tša kalafo
- Kalafo ya tša tšhidullamarapo, kalafo ya ditlabakelo tša go thekga marapo le mesifa le kalafo ya bokgabo
- Kalafo ya mahlo le batšweletši ba dialafamahlo
- Kalafo ya marapo, kalafo ya marapo a maoto le kalafo ya go otlolla marapo
- Kalafo ya tša monagano
- Kalafo ya tirišo ya metšhene le kalafo ya dihlare
- Mošomo wa go thuša go Bolela, kaonafatšo ya Polelo le go Kwa
Diforomo tša kgopelo le tshedimošo ka botlalo go mošomo wo nngwe le o mongwe di hwetšagala mo go websaete ya HPCSA.