Xikombelo xa phemit wa vuchayeri bya xiprofexini

Hi mayelana na phemiti yo chayela ya phurofexinali

Ku chayela eka patu ra mani na mani u rhwarile nhundzu, nhundzu ya khombo kumbe vakhandziyi ku endlela ku kuma muholo eAfrika-Dzonga, u fanele ku va na mpfumelelo wo chayela wa xiphurofexinali (PrDP).

Phemiti yi nyikiwa ku engetela eka layisense yo chayela ya masiku hinkwawo. PrDP yi tirha eka tinxaka ta mimovha leyi landzelaka:

• movha wo rhwala nhundzu na movha wo rhwala girosa wa ntiko lowu hundzuka 3 500kg
• movha wo rhwala movha kumbe bazi leyi nga onheka 
• minibazi leyi tikaka ku tlula 3 500kg kumbe leyi nga dizayiniwa ku rhwala 12 wa vanhu kumbe ku tlula (muchayeri na yena wa katsiwa) 
• mimovha yo vevuka, leyi nga kombisiwa eka xiyenge xa swa mabindzu ku rhwala vakhandziyi ku kuma hakelo (khebu ya thekisi)
• movha lowu nga dizayineriwa ku rhwala 12 wa vanhu kumbe ku tlula 
• movha wun’wana na wun’wana laha layisense yo tirha ya nyikiwa 
• movha wo rhwala nhundzu ya khombo (xik. thangi ra petirolo, na swin’wana na swin’wana.)

Ku aleriwa ku ya hi malembe ka swiyenge swa mimovha swi hi ndlela leyi landzelaka:

• movha wo rhwala nhundzu - u fanele ku va na 18 wa malembe kumbe ku tlula
• mimovha yo rhwala vanhu  - u fanele ku va na 21 wa malembe kumbe ku tlula
• mimovha yo rhwala nhundzu ya khombo  - u fanele ku va na 25 wa malembe kumbe ku tlula.

U nga ha kuma PrDP ntsena loko u:

• ri na layisense yo chayela leyi tirhaka ya muxaka wa movha wo karhi  
• tiyisisiwile tanihi loyi a nga ringanelangiki hi dokodela   
• tiyisisiwile hi huvo ya vuleteri leyi pasisaka (swi laveka ntsena ka xiyenge xa D (mimovha ya ku rhwala nhundzu ya khombo)  
• nga ri na rhekhoda ya swa vugevenga ehenhla ka vito ra wena eka ntlhanu wa malembe lama nga hundza hi ndlela leyi landzelaka:
  • ku chayela movha u pyopyiwile kumbe u tirhisile swidzidziharisi 
  • ku chayela movha u hundzisile mpimo wa swipyopyi lowu nga vekiwa hi nawu 
  • eka mhaka ya xikombelo xa xiyenge xa P na mpfumelelo wa D, nandzu wa swa madzolonga a ku ri mhaka;   
• ri na layisense ya wena leyi yi nga si tshamaka yi yimisiwa 
• nga si tshama u khomeriwa nandzu wa vugevenga kumbe u hakerile mali ya ku amukela nandzu.

Tanihi mutirhisi kumbe n’wini wa movha lowu wu lavaka PrDP, u nga ha pfumelela munhu un’wana ku chayela movha eka patu ra mani na mani, handle ka swona va na PrDP leyi tirhaka eka xiyenge lexi nga fanela.

Leswi u faneleke ku swi endla

1. Ya na eka senthara ya ku kambela mapapila yo chayela ya le kusuhi (DLTC) na ku tata fomo ya Xikombelo xa mpfumelelo wa ku chayela lowu leteriweke (PD1).
2. Tata fomo ya xitiviso xa ku cinca kherefu kumbe vuxokoxoko bya munhu kumbe nhlangano (NCP).
3. Famba na leswi landzelaka:
   
   • Pasi, khadi ra papila ro chayela, kumbe phasipoto ya Afrika-Dzonga
   • Swifaniso swa mune swo fana swa ntima na swo basa. U fanele u tiyisisa na DLTC leswaku va ta lava swifaniso swingani loko u nga si teka swifaniso.
   • Papila ro chayela leri nga enawini (khodi leyi fanaka na xikombelo lexi u xi endlaka) 
   • Xitifikheti xa vuleteri (laha swi nga fanela)  
   • Xitifikheti xa ka Vutshunguri (lexi nga enawini loko xi nga hundzisangi tin’hweti timbirhi)
   • Mpfumelelo wun’wana wo chayela lowu leteriweke kumbe mpfumelelo wo chayela wa phabiliki lowu leteriweke lowu u nga na wona
   • Papila ra ku tiyisisa laha u tshamaka kona kumbe ra poso xik. papila ra akhawunti ya ka masipala. Loko akhawunti ya ka masipala yi nga ri hi vito ra wena, n’winyi wa akhawunti u fanele ku endla afidavhiti a kombisa leswaku u tshama eka kherefu leyi nga tsariwa naswona akhawunti yi fanele yi khomanisiwa na afidavhiti.
   • Loko u tshama eka tindhawu leti nga pasisiwangiki, u fanele ku tisa papila leri gandliweke ku suka eka mukhanselara wa wadi ku tiyisisa kherefu ya laha u tshamaka kona na ya poso
   • Hakelo loyi nga vekiwa.
4. U ta endla xikambelo xa mahlo eka senthara yo kambela. Kumbe u nga ya eka dokodela wa mahlo loyi a swi thwaseleke  Kutani u famba na fomo.
5. Endzhaku ka ku hakela tihakelo, u ta fanela ku ya eka xitichi xa maphorisa xa le kusuhi ku kuma xiviko xa nandzu. Loko DLTC yi ri na yuniti ya ku hlayisa vuxokoxoko (LCU), xiviko xa nandzu xi ta rhumeriwa hi muchini ku ya eka xitichi xa maphorisa.
6. U fanele u hoxa mali ya xikombelo eka akhawunti leyi nga laha hansi loko xikombelo xi nga si phurosesiwa.
   Vuxokoxoko bya bangi bya ku hoxa mali ya xikambelo:
   Vito ra akhawunti: Ideco AFISwitch (Pty) Ltd
   Bangi: ABSA
   Rhavi: Business Banking Johannesburg North
   Vito ra akhawunti: Cheke
   Nomboro ya akhawunti: 4074078548
   Khodi ya rhavi: 630256
   Rheferense: Tsala nomboro ya pasi ra mukomberi tanihi rheferense.
7. U ta tivisiwa loko khadi ra PrDP ri lulamerile ku tekiwa. Teka papila ra vutitivisi ro fana na pasi loko u ya teka khadi ra wena. Makhadi wahi na wahi lawa ya nga tekiwangiki endzhaku ka masiku ya 120 ri ta herisiwa.

Leswi u faneleke ku swi endla

Phemiti ya wena yi ta va yi lulamile exikarhi ka makizimamu ya 12 wa mavhiki.

Xana swi durha mali muni

Tihlanganisi na hofisi ya tilayisense eka ndhawu ya wena ku vutisa hi nxavo.

Tifomo leti tatiwaka

• Fomo ya xikombelo xa phemiti yo chayela ya phurofexinali ya (PD1)
• Fomo ya xikombelo xa Setifikheti ya swa vutshunguri (MC)

Tifomo leti ta kumeka eka senthara yin’wana na yin’wana ya layisense yo kambela ku chayela na le ka eNatis.

Vuxokoxoko bya vutihlanganisi