Isicelo semvume yeprofeshini yokushayela

Ngosizo
Okufanele ukwenze
Isikhathi esinqunyiwe
Kubiza malini
Amafomu okumele agcwaliswe
Imininingwane yokuxhumana

 

 

Ngosizo lokushayela izimoto eqophelweni eliphezulu

Ukushayela emgwaqeni yomphakathi uthwele izimpahla, izimpahla eziyingozi noma abagibeli ngenhloso yenzuzo enigizimu afrika, kudingeka imvume yokushayela eqophelweni eliphezulu(PrDP).
Imvume inikezelwa abanezincwadi zokushayela ezijwayelekile.   

Imvume yokushayela eqophelweni eliphezulu(PDP) inemibandela elandelayo:

  • imoto yemithwalo enesisindo esevile ku-3500kg isisindo sesihlangene
  • imoto yokudonsa ezinye noma ibhasi
  • ibhasi elincane elisinda ngokwevile ku-3500kg noma elilungele ukuthwala abagibeli abayishumi -nambili okanye ngaphezulu (kubalwa nomshayeli)
  • imoto encane ngokulawulwa kwezomnotho ngokuthwalwa kwabagibeli ngokomhlomulo(Taxi-Cab)
  • imoto elungele ukuthwala abagibeli abayishumi-nambili okanye ngaphezulu
  • noma iyiphi imoto enemvume yokusebenza
  • imoto ethwala okuyingozi njengomthamo kawoyela.

Imigomo yobudala nezimo zezimoto kumi kanje:

  • imoto yemithwalo- yiba neminyaka eyishumi nesishagalombili(18) noma ngaphezulu.
  • imoto yabagibeli- yiba neminyaka engamashumi amabili(20) noma ngaphezulu.
  • imoto ethwala okuyingozi-yiba neminyaka engamashumi amabili nesihlanu (25) noma ngaphezulu.

Imvume yokushayela eqophelweni eliphezulu itholakala uma:

  • unezincwadi zokushayela uhlobo lwemoto okukhulunywa ngayo.
  • ukulungele ukushayela ngokwezempilo.
  • uqeqeshiwe wagunyazwa ngokwesigaba –D (imithwalo eyingozi).
  • ungakaze ube necala okanye ubushelwe okulandelayo:
    • ukushayela uphuzile, utshwala noma udle izidakamizwa.
    • ukuba nezinga eleqile lophuzo oludakayo egazini.
    • ukuba necala lokuhlukumeza , uma unesicelo sesigaba P noma D.
    • uma ungakaze wephucwe izincwadi zokushayela.

Abanikazi bezimoto ezithwala umphakathi noma izimpahla abavumelekile ukunikezela imoto kumuntu ongenayo imvume yokushayela eqophelweni eliphezulu (PrDP).

Okufanele ukwenze

  1. Qonda esikhungweni sokuhlola esiseduzane nawe (i-DLTC) bese ufika ugcwalise ifomu Lesicelo semvume yokushayela ngobungcweti (i-PD1).
  2. Gcwalisa isaziso sokushintsha kwekheli noma kwemininingwane yomuntu noma yenhlangano (i-NCP).
  3. Thatha lezi zinto ezilandelayo uziphathe uhambe nazo:
    • Umazisi (i-ID), ilayisensi yokushayela eyikhadi, noma ipasipoti esemthethweni yaseNingizimu Afrika
    • Izithombe ezine ezifanayo ezingenambala. Kuyofanele ukuthi uqinisekise ne-DLTC ukuthi zingaki izithombe abazidingayo ngaphambi kokuba uyoshutha izithombe.
    • Ilayisensi yokushayela esemthethweni (kube yilayisensi yekhodi yemoto efanayo nalena owenza isicelo sayo) 
    • Isitifiketi sokuqeqeshwa (uma sifanelekile)  
    • Isitifiketi sokuhlolwa udokotela (siyokwamukelwa kuphela uma sinesikhathi esingekho ngaphezulu kwezinyanga ezimbili sikhona)
    • Ezinye izimvume zokushayela ngobungcweti noma imvume yokushayela emgaqweni womphakathi okungenzeka ukuba unayo noma unazo 
    • Ubufakazi bekheli leposi kanye nelendawo isib. incwadi ye-akhawunti kamasipala yezitolo ezithile. Uma leyo akhawunti ingabhalisiwe ngawe, umnikazi waleyo akhawunti kufanele ukuthi akwenzele incwadi efungelwe esho ukuthi uhlala kulelo kheli othi uhlala kulo kanti incwadi ye-akhawunti kamasipala ukuthi nayo ibe khona ihambisane nale ncwadi efungelwe. 
    • Uma uhlala endaweni eyimijondolo, kufanele ukuthi uze nencwadi enesigxivizo esisemthethweni esinosuku evela kwikhansela lewadi ohlala kuyo neyobe iqinisekisa ikheli lakho leposi nelendawo
    • Imali enqunyiwe.
  4. Uyohlolwa amehlo esikhungweni sokuhlolwa. Noma kwesinye isikhathi, kungenzeka ukuthi ukuhlolwa kwamehlo akho kwenziwe udokotela ohlola amehlo oqeqeshiwe bese uza nalelo fomu.
  5. Ngemuva kokukhokha, uyobe usuyalelwa ukuba uye esiteshini samaphoyisa esiseduzane nawe uyocela umbiko okhuluma ngokuthi ngabe akhona yini amacala asake akulahla enkantolo na. Kodwa futhi uma i-DLTC inophiko olukwazi ukukuveza lokhu ngokwalo ngaso leso sikhathi (i-LCU), umbiko okhuluma ngokulahlwa kanye nokungalahlwa kwakho ngamacala enkantolo uyothunyelwa ngekhompyutha uye esiteshini samaphoyisa.
  6. Kuyofanele ukuthi ufake imali yokufaka isicelo kule akhawunti ebhalwe lapha ngezansi ngaphambi kokuba isicelo sakho sibhekelelwe.
    Imininingwane yasebhange lapho ungadiphozitha khona imali yesicelo yilena:
    Igama le-akhawunti: IdecoAFISwitch (Pty) Ltd
    Ibhange: ABSA
    Igatsha: Business Banking Johannesburg North
    Uhlobo lwe-akhawunti: Cheque
    Inombolo ye-akhawunti: 4074078548
    Ikhodi yegatsha: 630256
    Ireferensi: Faka inombolo yomazisi walowo muntu ofaka isicelo lapha njengereferensi.
  7. Uyobe usuyaziswa uma ikhadi lakho le-PrDP selilungile ukuthi uzolilanda. Kuyofanele ukuthi uphathe into yokuzazisa efana nomazisi uma usuyolanda ikhadi lakho. Noma ngabe yimaphi amakhadi angalandiwe kuze kuphele izinsuku eziyi-120 ayoshatshalaliswa.

Isikhathi esinqunyiwe

Imvume itholakala emavikini ayishumi nambili.

Kubiza malini

Thintana nehhovisi langakini lezokunikezelwa kwamalayisensi ukuze uthole imininingwane ngamanani.

Amafomu okumele agcwaliswe

  • Isicelo semvume eqophelweni eliphezulu (PDI).
  • Incwadi yokuhlolwa ngudokotela (medical certificate).

Imininingwane vakashela noma yisiphi isikhungo sokuhlolela ukushayela kanye naku eNatis.

Imininingwane yokuxhumana

 

Contact the relevant municipality

Share this page