Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u ḓadzwa
Vha kwama inyi
Ngaha na Khumbelo ya Phemithi/Thendelo ya u reila ya phurofeshinaḽa
Uri vha tendelwe u reila tshiendedzi kha bada ya nnyi na nnyi vha tshi khou endedza thundu, thundu ya khombo kana vhaṋameli Afrika Tshipembe, vha fanela u vha vha na phemithi ya u reila ya purofeshinala (PrDP).
Phemithi i ṋetshedzwa nga nṱha ha ḽaisentsi ya u reila yo ḓoweleaho. PrDP i shumiswa kha tshaka dza zwiendedzi dzi tevhelaho:
- tshiendedzi tsha thundu tshine tsha lemela u fhira 3 500 kg
- tshiendedzi tsha u hwala zwiendedzi zwo tshinyalaho kana bisi
- tshibisana tshine tsha lemela u fhira 3 500 kg kana tsho itelwaho u hwala vhaṋameli vha 12 kana u fhira (hu tshi katelwa na mureili)
- zwiendedzi zwituku, zwo sumbedzwaho kha sekithara ya ikonomi tsha u hwala vhaṋameli vhane vha badela (thekhisi thukhu-cab)
- tshiendedzi tsho itelwaho u hwala vhathu vha 12 kana u fhira
- tshiendedzi tshiṅwe na tshiṅwe tshine tsha ṱoḓa ḽaisentsi ya u shuma
- tshiendedzi tsha u hwala thundu ya khombo (tsumbo ṱiraka ya thannga ya u hwala zwivhaswa, nz.)
Khanelo ya vhukale kha tshaka dza zwiendedzi ndi dzi tevhelaho:
- zwiendedzi zwa thundu – vha fanela u vha na miṅwaha ya 18 kana u fhira
- zwiendedzi zwa vhaṋameli – vha fanela u vha na miṅwaha ya 21 kana u fhira
- zwiendedzi zwa u hwala thundu ya khombo – vha fanela u vha na miṅwaha ya 25 kana u fhira.
Vha tendelwa u wana PrDP arali:
- vha na ḽaisentsi ya u reila ya lushaka tshiendedzi tshine tsha khou ambiwa
- vho ṱanzielwa nga dokotela uri vho lugela u reila
- vho ṱanzielwa nga tshiimiswa tsha thendelo (zwi todea fhedzi kha khethekanyo ya D (zwiendedzi zwa thundu ya khombo))
- vha si na rekhodo ya vhugevhenga lwa miṅwaha miṱanu yo fhiraho sa zwi tevhelaho:
- u reila tshiendedzi vho nwa zwikambi kana tshidzidzivhadzi
- u reila tshiendedzi vha na zwikambi malofhani avho kana u nukha na zwikambi lune zwa fhira ndinganyo
- arali vha tshi khou ita khumbelo ya khethekanyo ya P na D, mulandu une wa kwama zwa dzikhakhathi;
- ḽaisentsi yavho i sa athu u imiswa
- vha sa athu u vhuya vha farelwa vhugevhenga kana u badeliswa ndaṱiso ya u tenda mulandu.
Sa mureili kana muṋe wa tshiendedzi tshine tsha ṱoḓa PrDP, a vho ngo fanela u tendela muṅwe muthu a tshi tshi reila kha bada ya nnyi na nnyi, nga nnḓa ha musi a na PrDP ya vhukuma ya lushaka lwo teaho.
Zwine vha tea u ita
- Kha vha ye sentharani ya u lingela ḽaisentsi ya u reila (DLTC) ya tsini uri vha dadze fomo ya Khumbelo ya phemithi ya u reila ya phurofeshenala (PD1).
- Kha vha ḓadze fomo ya nḓivhadzo ya tshanduko ya ḓiresi kana zwidodombedzwa zwa muthu kana dzangano (NCP).
- Vha fanela u ṱuwa na zwi tevhelaho:
- Ḽiṅwalo ḽa vhuṋe (ID), ḽaisentsi yavho ya u reila ya garaṱa, kana ḽiṅwalo ḽavho ḽa u tshimbila ḽa Afrika Tshipembe
- Zwinepe zwa ID zwiṋa zwi fanaho zwi si na muvhala (phanḓa ha musi vha tshi dzhia zwinepe vha fanela u khwaṱhisedza na DLTC uri hu ṱoḓea zwinepe zwingana).
- Ḽaisentsi ya u reila i sa athu fhelelwa nga tshifhinga (ya khoudu yeneyo nthihi ya tshiendisi tshine vha khou itela tshone khumbelo)
- Ṱhanziela ya vhupfumbudzi (arali i tshi ṱoḓea)
- Ṱhanziela ya Mutakalo (ya vhukale vhu sa fhiri miṅwedzi mivhili)
- Iṅwe phemithi ya u reila ya phurofeshenala kana phemithi ya u reila tshitshavhani ine vha vha nayo
- Vhuṱanzi ha ḓiresi yavho ya poswo na ya hune vha dzula hone sa tsumbo, akhaundu ya maḓi kana muḓagasi. Arali akhaundu iyo i si madzinani avho, muṋe wayo u fanela u ita ḽianelwa ḽi ambaho uri vhone vha dzula ḓiresini yawe nahone tshitatamennde tsha maḓi kana muḓagasi tshi farekanywe na ḽianelwa.
- Arali vha tshi dzula vhudzulavhathu hu si fomala, vha fanela u ḓisa luṅwalo lu re na tshiṱemmbe tsha datumu tsha ofishala u bva kha mukhantselara wa wadi lu khwaṱhisaho ḓiresi yavho ya poswo na ya madzulo
- Mbadelo yo randelwaho.
- Vha ḓo itwa ndingo dza mato sentharani ya u lingela. Kana, vha nga itwa ndingo dza maṱo nga ṅanga ya mato i re na ndalukanyo vha isa fomo.
- Nga murahu ha mbadelo, vha ḓo rumelwa tshiṱitshini tsha mapholisa tsha tsini u yo humbela muvhigo u sumbedzaho uri a vha athu farwa. Arali DLTC i na yunithi ya u faredza zwidodombedzwa henefho (LCU), muvhigo u sumbedzaho uri a vha athu farwa u ḓo rumelwa lwa eḽekiṱhironiki u bva tshiṱitshini tsha mapholisa.
- Vha fanela u panga mbadelo ya khumbelo kha akhaundu i re afho fhasi phanḓa ha musi khumbelo i tshi nga thoma u phurosesiwa.
Zwidodombedzwa zwa bannga zwine vha panga khazwo mbadelo ya khumbelo:
Dzina ḽa akhaundu: Ideco AFISwitch (Pty) Ltd
Bannga: ABSA
Davhi: Business Banking Johannesburg North
Lushaka lwa akhaundu: Cheque
Nomboro ya akhaundu: 4074078548
Khoudu ya davhi: 630256
Referentsi: Vha ḓadze nomboro ya ID ya muiti wa khumbelo sa referentsi. - Vha ḓo ḓivhadzwa musi garaṱa yavho ya PrDP yo no luga uri vha ḓe vha i dzhie. Vha ṱuwe na vhufaedzi u fana na ID musi vha tshi ya u dzhia garaṱa yavho. Garaṱa dzi so ngo dzhiwaho vhukati ha maḓuvha a 120 dzi ḓo tshinyadzwa.
Fomo dzi no tea u ḓadzwa
- Fomo ya Khumbelo ya Phemithi/Thendelo ya u reila ya phurofeshinaḽa (PD1)
- Fomo ya khumbelo ya ṱhanziela ya mutakalo (MC)
Fomo dzi wanala kha senthara ya ndingo ya u reila iṅwe na iṅwe na kha eNatis.
Contact the relevant municipality