Sicelo semvumo yekushayela ngebucwepheshe

Ngesi celo semvumo yekushayela ngebucwepheshe

Kushayela kumgwaco wesive utfutsa timphahla, timphahla letiyingoti nobe bagibeli kutfola inzuzo eNingizimu Afrika, kumele ube nemvumo yekushayela ngebucwepheshe (i-PrDP).

Lemvumo iniketwa ngetulu kwelayisensi yekushayela letayelekile. I-PrDp isebenta kuletigaba letilandzelako tetitfutsi:

• sitfutsi setimphahla lesinesisindvo sesitfutsi lesiphelele lesindlula ku-3 500 kg
• sitfutsi setitfutsi letiphukile nobe ibhasi
• ikhumbi lesindza ngetulu kwa-3 500 kg nobe lehlelelwe kulayisha bantfu labangu-12 nobe ngetulu (kufaka umshayeli)
• titfutsi letingasindzi, letikhonjiswe kumkhakha wetemnotfo njengaletigibelisa bantfu kutfola umzuzo (ematekisi ekhebhi)
• sitfutsi lesihlelelwe kugibelisa bantfu labangu-12 nobe ngetulu
• nobe ngusitfutsi lesikhishelwa ilayisensi yekusisebentisa
• sitfutsi setimphahla letiyingoti (sib. lithangi laphethiloli, njll.)

Imikhawulo yetigaba tetitfutsi ingalendlela lelandzelako:

• sitfutsi setimphahla - kumele ube neminyaka lengu-18 nobe ngetulu
• titfutsi tebagibeli - kumele ube neminyaka lengu-21 nobe ngetulu 
• titfutsi tetimphahla letiyingoti - kumele ube neminyaka lengu-25 nobe ngetulu.

Ungatfola iPrDP kuphela uma ngabe:

• une layisensi yekushayela yaloluhlobo lwaleyo moto
• ucinisekiswe ngudokotela kwekutsi uphile kahle emphilweni 
• ucinisekiswe ngumtimba wekucecesha logunyatiwe (kudzingakala kuphela kutincola tesigaba D (timphahla letiyingoti)
• unganalirekhodi lwanobe ngubuphi bugebengu egameni lakho kuleminyaka lesihlanu lendlulile ngalendlela:
  • ushayela sitfutsi udzakiwe nobe usebentise tidzakamiva
  • ushayela sitfutsi unatse tjwala lobusezingeni lelingetulu kwaleli lelisemtsetfweni
  • kusehlakalo sesicelo semvumo yesigaba P na D, licala lelibangelwe budlova;  
• ilayisensi ayimange seyimiswe
• awumange sewugwetjelwe licala lebugebengu nobe ubhadala inhlawulo yekuvuma licala.

Njengemlawuli nobe umniyo wesitfutsi lesidzinga i-PrDP, angeke ungeke uvumele lomunye umuntfu kutsi ashayele lesitfutsi kumgwaco wesive, ngaphandle uma ngabe bane-PrDP lesebentako yaleso sigaba.

Yini lekumele uyente

1. Yani esikhungweni sakho sekuvivinyelwa ilayisensi lesidvute nawe (i-DLTC) bese ugcwalisa lifomu (i-PD1) leKufaka sicelo semvume yekushayela ngebucwepheshe. 
2. Gcwalisa lifomu  (i-NCP) lesatiso sekuntjintja kwelikheli noma imininingwane yemuntfu noma inhlangano.
3. Hamba nanaku lokulandzelako:
   • Matisi (i-ID), likhadi lelayisensi yekushayela, noma ipasipoti yaseNingizimu Afrika lesebentako
   • Titfombe letine letifananako letite mbala. Ngembi kwekutsi ushuthe titfombe ufanele kutsi ucinisekise ne-DLTC kutsi badzinga titfombe letingaki.
   • Ilayisensi yekushayela (yemoto lenekhodi lefananako naleyo loyifunela imvume) 
   • Sitifikeleti sekuceceshwa (nangabe sikhona)  
   • Sitifiketi setemphilo (siba ngulesisebentako uma ngabe asisidzala ngalokungetulu lwetinyanga letimbili)
   • Lenye imvume yekushayela ngebucwepheshe noma imvume yekushayelela timoto temmango lonayo 
   • Bufakazi belikheli leliposi nelendzawo lohlala kuyo sib. i-akhawunti yakamasipala. Uma ngabe ibhili yamasipala ayikho egameni lakho, umnikati walebhili ufanele kutsi ente i-afidavithi lefakazela kutsi uhlala kulelikheli bese kutsi lebhili ifaselwa kule-afidavithi. 
   • Nangabe uhlala emkhukhwini, ufanele kutsi ute nencwadzi lenesitembu lesisemtsetfweni levela kulikhansela leliwadi lecinisekisa likheli lakho lekuposa nelendzawo lohlala kuyo
   • Imali lencunyiwe.
4. Utawuhlolwa kusebenta kahle kwemehlo esikhungweni sekuvivinyelwa kushayela. Noma-ke ungahlolwa emehlo ngudokotela wemehlo bese umikisa lifomu e-DLTC.
5. Ngemuva kwekukhokha, utawutfunyelwa esiteshini semaphoyisa lesidvutane uyocela umbiko wekutsi ute emacala ekushayela. Uma ngabe i-DLTC ineluphiko lwetekuchuma ngekwe-elekhthroniki (i-LCU), lombiko wekubate licala letekushayela utawutfunyelwa esiteshini semaphoyisa ngekwe-elekhthroniki.
6. Ufanele kutsi ufake imali yekufaka sicelo kule-akhawunti lengentasi ngembi kwekutsi sicelo sakho sendluliswe.
   Imininingwane yakho yasebhange yekufaka imali yekwenta sicelo:
   Ligama lemnikati we-akhawunti: Ideco AFISwitch (Pty) Ltd
   Libhange: ABSA
   Ligatja: Business Banking Johannesburg North
   Luhlobo lwe-akhawunti: Cheque
   Inombolo Ye-akhawunti: 4074078548
   Ikhodi yeligatja: 630256

Iriferensi: Faka inombolo ye-ID ibe yiriferensi yemfakisicelo.

7. Utawatiswa uma ngabe likhadi le-PrDP yakho selilungele kutsi ulilandze. Hamba nekwekutatisa njenge-ID uma uyolandza likhadi lakho. Emakhadi langakalandvwa kungakapheli emalanga lange-120 ayawulahlwa.

Sikhatsi semsebenti

Imvumo yakho ingalunga ngekhatsi kwemaviki langu-12.

Ngabe kubita malini

Tsintsana nelihhovisi lekukhishwa kwetimvume langakini kute utfole ngetindleko.

Emafomu lagcwaliswako

• Lifomu lesicelo semvumo yekushayela ngebucwepheshe (i-PD1)
• Lifomu lesicelo sesitifiketi setekwelashwa (MC)

Lamafomu ayatfolala kunobe ngusiphi sikhungo sekuhlolela ilayisensi yekushayela kanye naku eNatis.

Ngubani longamutsintsa