Kgopelo ya tumelelo ya bootledi bja seprofešenale

Ka ga dira kgopelo ya phemiti ya bootledi bja seprofešenale

Gore o kgone go sepetša dithoto, dithoto tše kotsi goba banamedi mo tseleng ya setšhaba ka tefo mo Afrika Borwa, o swanetše go ba le Phemiti ya Bootledi bja Seprofešenale (PrDP).

Phemiti e fiwa godimo ga laesense ya go otlela. Phemiti ya bootledi bja seprofešenale e lebane le mehuta ye e latelago ya dikoloi:

• koloi ya go rwala dithoto ya boima bja go se fete 3 500 kg
• koloi ya go goga tše dingwe goba pese 
• dikhombi tša boima bja go feta 3 500 kg gomme di diretšwe go rwala batho ba 12 goba go feta (go akaretšwa le mootledi) 
• dikoloi tše bohwefo, tše bontšitšwego legorong la ekonomi gore di sepetša banamedi ka tefo (Taxi-cab) 
• koloi ya go direlwa go rwala batho ba 12 goba go feta
• koloi efe le efe ye e nago le laesense
• koloi ya go rwala dithot tše kotsi (mohlala petrole, bj.bj).

Mengwaga ye e lebanego le mohuta wa koloi ye motho a ka e otlelago ke ye:

• dikoloi tša go rwala dithoto - o swanetše go ba le mengwaga ye 18
• dikoloi tša go rwala banamedi - o swanetše go ba le mengwaga ye 21 
• dikoloi tša go rwala dithoto tše kotsi - o swanetše go ba le mengwaga ye 25.

O tlo hwetša phemiti ya bootledi bja seprofešenale (PrDP) ge:

• o na le laesense ya mohuta wa koloi yeo e amegago
• ngaka e hlatsetše gore bophelo bja gago ga bo na mathata
• o kgonthišitšwe ke lekala la maleba la tlhahlo (se se dirwa fela mo mehueng ye e rilego ya dikoloi)
• o se nke wa bonwa molato mo mengwageng ye mehlano ya go feta malebana le:
  • go otlela o nwele madila goba diokobatši, molato wa go otlela ka bošaedi, goba molato wa ntwa; le ge e le gore 
  • go otlela e le gore kelo ya madila mo mading a gago e feta yeo e dumeletšwego ke molao
  • molato wo o lebanego le elemente, malebana le kgopelo ya phemiti ya legoro la P le la D   
• ga se nke laesense ya gago ya fegwa
• o se nke wa bonwa molato wa bosenyi goba lefa tšhelete ya kotlo malebana le go dumela mola.

Bjalo ka molaodi goba mong wa koloi yeo motho a dirago kgopelo ya phemiti ya PrDP ya go otlela ga wa swanela go dumelela motho yo mongwe go otlela koloi yeo mo tseleng ya setšhaba ge motho yoo a se na le phemiti ya maleba.

Seo o swanetšego go se dira

1. Eya lefelong la kgauswi la go dira diteko tša lengwalo la go otlela (DLTC) o tlatše foromo ya kgopelo ya lengwalo la go otlela la sephrofešenale (PD1).
2. Tlatša foromo ya tsebišo ka ga phetogo ya aterese goba dintlha tša motho goba tša mokgatlo (NCP).
3. Etla le dilo tše di latelago:
   • Pukwana ya boitsebišo (ID), karata ya go otlela, goba phasephote ya Afrika Borwa ya makgonthe
   • Dinepe tše nne tše swanago tše tlwaelegilego. O swanetše go thoma ka go tiišetša le ba lefelo la go dira diteko tša lengwalo la go otlela gore ba nyaka dinepe tše kae pele o tšea dinepe.
   • Lengwalo la go otlela la maleba (la khoute ya sefatanaga seo o dirago kgopelo ya lengwalo la sona)
   • Setifikeiti sa tlhahlo (ge se hlokega)
   • Setifikeiti sa kalafo (se šoma fela ge e le gore ga se fete dikgwedi tše pedi)
   • Lengwalo le lengwe la go otlela la sephrofešenale goba lengwalo la go otlela phatlalatša la sephrofešenale leo o nago le lona
   • Bohlatse bja aterese ya poso le ya madulo, go fa mohlala, lengwalo la akhaonte ya ditirelo. Ge e le gore lengwalo la tefišo ya ditirelo ga se la ngwalwa ka leina la gago, mong wa lengwalo leo o swanetše go dira abitabiti a tiišetše gore o dula lefelong leo gomme lengwalo la tefišo ya ditirelo leo le swanetše go kgomaretšwa go abitabiti.
   • Ge e le gore o dula lefelong la mekhukhung, o swanetše go tla le lengwalo leo le nago le setempe sa semmušo se se nago le letšatšikgwedi go tšwa go mokhanselara wa wate leo le tiišetšago aterese ya gago ya poso le ya madulo
   • Tšhelete ye e beilwego ya go dira dikgopelo.
4. O tla dira teko ya mahlo ka lefelong la go dira diteko. Ka go le lengwe o ka kgopela gore mahlo a gago a hlahlobje ke ngaka ya mahlo ya maswanedi gomme wa tliša foromo yeo.
5. Ka morago ga go lefa, o tla romelwa setešeng sa maphodisa sa kgauswi gore o ye go kgopela pego ya ge eba o na le molato. Ge e le gore lefelo la go dira diteko tša go otlela le na le sedirišwa sa go tšea kgatišo ya thwii (LCU), sengwalwa sa pego ya ge eba o na le molato se tla romelwa thwii setešeng sa maphodisa ka elektroniki.
6. O swanetše go teposita tšhelete ya kgopelo ka akhaonteng ya ka mo fase pele ga ge kgopelo yeo e ka šongwa.
   Dintlha tša panka tšeo o ka tepositago tšhelete ya go dira kgopelo:
   Leina la akhaonte: Ideco AFISwitch (Pty) Ltd
   Panka: ABSA
   Lekala: Business Banking Johannesburg North
   Mohuta wa Akhaonte: Cheque
   Nomoro ya Akhaonte: 4074078548
   Khoute ya lekala: 630256
   Tšhupetšo: Tlatša nomoro ya pukwana ya boitsebišo ya mokgopedi bjalo ka tšhupetšo.
7. O tla tsebišwa ge karata ya PrDP e lokile go tla go tšewa. Tšea boitšhupo bja go swana le pukwana ya boitsebišo ge o eya go tšea karata yeo. Dikarata dife goba dife tše di sego tša tšewa mo matšatšing a 120 di tla senywa.

Lebaka

Phemiti ya gago e tla be e lokile mo nakong ya dibeke tše 12.

E dira tshenyagelo ya bokae

Ikgokaganye le kantoro ya tikologo ya geno ya dilaesense go tseba ka ga ditefo.

Diforomo tšeo di swanetšwego go tlatšwa

• Fomo ya kgopelo ya phemiti ya bootledi bja seprofešenale (PD1)
• Fomo ya kgopelo ya setifikeiti sa ngaka (MC)

Fomo ye e hwetšagala senthareng efe goba efe ya diteko tša bootledi le mo eNatis.

Dintlha tša boikopanyo