Fa o na le makwalo a borutabana mme o batla tiro mo Aforika Borwa, o tshwanetse go ikwadisa le Khansele ya Barutabana ya Aforika Borwa (SACE).
Lekwalo la gago la borutegi le tshwanetse go nna le le maleba gore o ka thapiwa mo lefapheng la thuto pele o ka ikwadisa le SACE. Fa o na le makwalo a borutegi a dinaga disele, a tshwanetse pele ke go tlhatlhobiwa ke Bothati jwa Dithebolo tsa Makwalothuto a Aforika Borwa (SAQA).
Go bona dintlha ka botlalo ka ga go ikwadisa jaaka morutabana ikgolaganye le:
- Khansele ya Barutabana ya Aforika Borwa (SACE) kgotsa letsetsa 012 663 9517 / 086 1007 223.
- Lefapha la Thuto ya Motheo kgotsa letsetsa 012 357 3000.
