Nayibe ungutitjhere oneencwadi zobutitjhere nofuna umsebenzi eSewula Afrika, kufuze uzitlolise emKhandlwini oLawula zobuTitjhere eSewula Afrika, i-South African Council for Educators (SACE).
Iincwadi zakho zokufundisa kufanele kube ziincwadi ezikuvumelako ukuthi ungasebenza kezefundo, ngaphambi kobana ungazitlolisa ku-SACE. Nayibe iincwadi zakho zobutitjhere wazithola emazweni wangaphandle, iincwadezo kufuze bona zithome ngokuhlolwa liBandla eliQinisekisa iziQu leSewula Afrika, i-South African Qualifications Authority (SAQA).
Thola eminye imininingwana yokuzitlolisa njengotitjhere kwa-:
- South African Council for Educators (SACE) namkha ufowunele ku: 012 663 9517 / 086 1007 223.
- Ne-Department of Basic Education namkha ufowunele ku: 012 357 3000.
