Go latela lehu la motho yo a bego a lefela Sekhwama sa Inšorentshe ya Tahlegelo ya Mošomo (UIF), o ka kgona go kgopela diputseletšo tša bafepša go tšwa go UIF, ge e le gore o:
- molekane ka nyalo
- moratani bophelong
- mohlokomedi
- ngwana wa mohu yo a bego a lefela.
O swanetše go dira dikgopelo pele dikgwedi tše tshela di feta morago ga lehu la molefedi. Bafepša bao e lego bana ba mengwaga ya ka tlase ga 21 ba na le tokelo ya diputseletšo ge e le gore ga go na molekane goba mogwera wa bophelo yo a phelago.
Hwetša dintlha ka botlalo mabapi le Kgopelo ya diputseletšo tša bafepša tša UIF goba ikgokaganye le UIF.
