Ka ga
Seo o swanetšego go se dira
Lebaka
E dira tshenyagelo ya bokae
Diforomo tšeo di swanetšwego go tlatšwa
Dintlha tša boikopanyo
Mabapi le go sekaseka mangwalo a dithuto a dinageng tša ntle
Ge e le gore o na le mangwalo a dithuto a o a hweditšego nageng ya ntle gomme o nyaka go tšwetša dithuto tša gago pele institšušeneng ya mo Afrika-Borwa goba o nyaka go šoma mo Afrika-Borwa, o swanela ke go dira kgopelo go South African Qualifications Authority (SAQA) gore mangwalo a gago a sekasekwe.
Ge o dira kgopelo ya khwouta goba phemiti ya mošomo mo Afrika-Borwa, pholisi ya batšwantle e nyaka gore o fane ka setifikeite sa SAQA sa tshekatsheko bjalo ka karolo ya kgopelo ya gago.
Ge o nyaka go ithuta le institšušene ya Afrika-Borwa, o tlo swanela ke go kgopela SAQA go sekaseka mangwalo a gago a dithuto ge e le gore institšušene ye o dirilego kgopelo go yona e nyaka o dira bjalo. Mekgahlo ya seprofešenale e nyaka gore o be le setifikeite sa SAQA sa tsekatseko ya dithuto tša gago pele o ka dumelelwa go thoma go šoma mošomo wa gago wa seprofešenale.
Ntle le mabaka a a ka godimo, tshekatsheko e šoma go bontšha gore mangwalo a dithuto a dinaga tša ntle a eme kae ge a bapetšwa le a mo Afrika-Borwa.
Tirelo ye e abja ke Directorate of Foreign Qualifications Evaluation and Advisory Services (DFQEAS) go la SAQA.
Hlokomela: Go dira kgopelo ya tshekatsheko ya mangwalo a dithuto tša ntle, bala procedural guidelines le tariff structure mo go fomo ya kgopelo.
Seo o swanetšego go se dira
- Hwetša fomo ya kgopelo go tšwa ofising ya SAQA goba e hwetše mo inthaneteng.
- Tlatša dikarolo ka moka tša fomo ya kgopelo.
- Kgonthiša gore bohlatse bja tefelo bo sepela le fomo.
- Fana ka dikhopi tše di sethifailwego tša ditokumente ka moka tše di nyakegago.
Ditifikeite tše di ngwadilwego ka dipolelo tša ntle di swanetše go hlatselwa ke phetolelo ya Seisemane ye e bitšwago ‘sworn translation’.
Hlokomela: SAQA e nyaka gore ditokumente di be ka dipolelo tše pedi, e lego poleloye e fetoletšwego le ya setlogo.
Lebaka
- Kgopelo ya tlwaelo: matšatši a 30 a mošomo.
- Kgopelo ya potlako: matšatši a 20 a mošomo.
- Kgopelo ya go fiwa šedi ya pele: matšatši a 10 a mošomo.
- Kgopelo ya go ikgetha: diiri tše 48
Dintlha tša boikopanyo
Nomoro ya Senthara: (012) 431 5070
Emeile: ceeq@saqa.org.za
National office | |
Tel | 012 431 5070 |
Fax | 012 431 5147 |
verifications@saqa.co.za | |
City/town | Pretoria |
Province | Gauteng |
Physical address | South African Qualifications Authority, Quality Assurance and Development, Hatfield Forum West, 1067 Arcardia Street, Hatfield, Pretoria |
Postal address | Postnet Suite 248, Private Bag X06, Waterkloof, 014 |
Website | https://www.saqa.org.za/ |