Dira kgopelo ya laesense ya lebakanyana ya go otlela

Ka ga
Seo o swanetšego go se dira
Lebaka
E dira tshenyagelo ya bokae
Diforomo tšeo di swanetšwego go tlatšwa
Dintlha tša boikopanyo

 

 

Ka ga kgopelo ya laesense ya lebakanyana ya go otlela

O ka dira kgopelo ya laesense ya lebakanyana ya go otlela ge e le gore o sa dirile kgopelo ya laesense ya go otlela ye e feletšwego ke nako goba o timeditše laesense ya gago.

Laesense ye e šoma lebaka la dikgwedi tše tshela fela gomme e fiwa ke ofisi ye nngwe le ye nngwe ya therafiki.

Seo o swanetšego go se dira

  1. Eya go la DLTC ye kgauswi o swere dilo tše di latelago:
    • khopi ye e setifailwego ya pukwana ya gago ya boitsebišo (ID) goba ID ya lebakanyana
    • bohlatse bja aterese ya poso le ya madulo, go fa mohlala, lengwalo la akhaonte ya ditirelo. Ge e le gore lengwalo la tefišo ya ditirelo ga se la ngwalwa ka leina la gago, mong wa lengwalo leo o swanetše go dira abitabiti a tiišetše gore o dula lefelong leo gomme lengwalo la tefišo ya ditirelo leo le swanetše go kgomaretšwa go abitabiti.
    • Ge e le gore o dula lefelong la mekhukhung, o swanetše go tla le lengwalo leo le nago le setempe sa semmušo se se nago le letšatšikgwedi go tšwa go mokhanselara wa wate leo le tiišetšago aterese ya gago ya poso le ya madulo
    • Dinepe tše nne tša go swana tše tlwaelegilego. O swanetše go thoma ka go tiišetša le ba DLTC gore ba nyaka dinepe tše kae pele ga ge o ka tšea dinepe.
    • Tšhelete ye e beilwego ya go dira dikgopelo.
  2. Tlatša foromo ya kgopelo ya phetošetšo ya lengwalo la go otlela (DL1).
  3. Tlatša foromo ya tsebišo ya go fetoga ga aterese goba ga dintlha tša motho goba tša mokgatlo (NCP).
  4. O tla dirwa diteko tša mahlo go la DLTC goba diteko tša mahlo di ka dirwa ke ngaka ya mahlo ye e nago le maswanedi gomme wa tliša foromo lefelong la go dira diteko.

Lebaka

Laesense ya lebakanyana ya go otlela e fiwa ka lona letšatši leo kgopelo e dirilwego ka lona.

E dira tshenyagelo ya bokae

Ikgokaganye le kantoro ya tikologo ya geno ya dilaesense go tseba ka ga ditefo.

Diforomo tšeo di swanetšwego go tlatšwa

Kgopelo ya laesense ya go otlela, DL1. Tlatša fomo ye e hwetšagalago senthareng ya diteko tša bootledi.

 

Share this page