Tsošološa laesense ya gago ya go otlela ya karata

Ka ga
Seo o swanetšego go se dira
Lebaka
E dira tshenyagelo ya bokae
Diforomo tšeo di swanetšwego go tlatšwa
Dintlha tša boikopanyo

 

 

Ka ga le go tsošološa laesense ya gago ya go otlela ya karata

O swanetše go tsošološa laesense ya gago dibeke tše nne pele letšatši la yona la mafelelo le fihla. Ge o ka e tsošološa ka morago ga nako, o tlo swanela go dira kgopelo ya laesense ya lebakanyana ka go lefa tšhelete ye nngwe nakong ya ge o tla be o emetše laesense ya sa ruri gore e boe.

Hlokomela: Ge o tsošološa laesense ya gago, ga o gapeletšego go dirwa diteko tša bootledi gape, empa o tlo swanela go dirwa diteko tša mahlo gomme menwana ya gago ya gatišwa. Goba, o ka ya ngakeng ya mahlo go dirwa diteko tša mahlo gomme wa boa le lengwalo la ngaka wa le fa bahlankedi ba DLTC. Ge e le gore go ya ka pego yeo ga o sa bona gabotse, go tlo ba le peelano ye e bewago mo laesenseng ya gago.

Seo o swanetšego go se dira

  • Etela Senthara ya kgauswi le wena ya Teko ya Dikoloi o swere:
    • pukwana ya boitsebišo (ID), le khopi ya  ID ya gago, laesense ya gago ya kgale ya go otlela, goba pasporoto ya Afrika Borwa 
    • diswantšho tše nne tša ID tše e sego tša mmala 
    • tšhelete ya tefo.
  • Tlatša fomo DL1, Kgopelo ya tsošološo ya laesense ya go otlela ya karata.
  • O tlo dirwa diteko tša mahlo goba o ka yo di dira ngakeng efe le efe ya mahlo gomme wa boa le pego yeo ya ngaka.

Lebaka

Laesense ya gago e tlo loka mo nakong ya dibeke tše nne go ya go tše tshela.

E dira tshenyagelo ya bokae

Ikgokaganye le kantoro ya tikologo ya geno ya dilaesense go tseba ka ga ditefo.

Diforomo tšeo di swanetšwego go tlatšwa

Kgopelo ya tsošološo ya laesense ya go otlela, DL1. Fomo ye e hwetšagala senthareng ya diteko tša go otlela le mo go eNatis.

Dintlha tša boikopanyo

 

Contact the relevant municipality

Share this page