Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani
Okuphathelene nokuhlolwa kweziqu ezitholakele ngaphandle
Nangabe uneziqu owazithola ngaphandle bese ufuna ukufunda eenkhungweni zeSewula Afrika namkha ufuna ukusebenza eSewula Afrika, uzakumele wenze isibawo sokuhlolwa kweziqu zakho kwa South African Qualifications Authority (SAQA).
Nawenza isibawo sesabelo namkha imvume yomsebenzi eSewula Afrika, umthetholawulo wefuduko ufuna bonyana ulethe isitifiketi se-SAQA sokuhlolwa njengengcenye yesibawo sakho.
Nawufuna ukufunda esikhungweni sezefundo seSewula Afrika, kumele i-SAQA ihlole iziqu zakho nangabe isikhungo owenze kiso isibawo sifuna lokho. Imikhandlu ephathelene neziqu ingafuna bonyana iziqu zakho zihlolwe ngaphambi kobana bakuvumele ukusebenza.
Ngaphandle kwalokho imisebenzi yokuhlola ayikakateleleki begodu isebenza ukweluleka bonyana iziqu zangaphandle zikuliphi izinga lalapha eSewula Afrika.
Umsebenzi lo wenziwa yi- Directorate of Foreign Qualifications Evaluation and Advisory Services (DFQEAS) kwa SAQA.
Tjheja: Ukwenza isibawo sokuhlolwa kweziqu zangaphetjheya, funda imihlahlandlela yekambiso kunye nemali yomthelo etholakala eforomeni lokwenza isibawo.
Okufanele ukwenze
- Uthole iforomo lokwenza isibawo ema-ofisini wakwa SAQA namkha ulikhiphe kukhomphyutha.
- Zalisa zoke iingaba zeforomo lesibawo.
- Qiniseka bonyana isitjengiso semali efunekako sikhamba nesibawo.
- Faka amakhophi wemitlolo efunekako.
Iintifiketi ezitlolwe ngelimi langaphandle kumele zibe nemitlolo etjhugululelwe esiNgisini.
Tjheja: i-SAQA ifuna imitlolo yomibili leyo etlolwe ngelimi langaphandle naleyo etjhugululiweko.
Isikhathi esibekiweko
- Isibawo esijayelekileko: amalanga wokusebenza ama: 30
- Isibawo esirhabekileko: amalanga wokusebenza ama: 20
- Isibawo esiqakathekileko: amalanga wokusebenza ali: 10
- Isibawo esikhethekileko: ama-awara ama: 48
Evaluation of foreign qualifications (Ukuhlolwa kweziqu zangaphandle)
National office | |
Tel | 012 431 5070 |
Fax | 012 431 5147 |
verifications@saqa.co.za | |
City/town | Pretoria |
Province | Gauteng |
Physical address | South African Qualifications Authority, Quality Assurance and Development, Hatfield Forum West, 1067 Arcardia Street, Hatfield, Pretoria |
Postal address | Postnet Suite 248, Private Bag X06, Waterkloof, 014 |
Website | https://www.saqa.org.za/ |