Die Kabinet het op Woensdag 5 September 2018 by Tuynhuys, Kaapstad vergader.
A. Kwessies in die omgewing
1. Ekonomie
1.1. Die Kabinet doen 'n beroep op alle sektore in Suid-Afrika om die regering te ondersteun in sy inisiatiewe om ekonomiese groei te bevorder ná die vrystelling van groeisyfers wat aandui dat ons ekonomie in die tweede kwartaal met nulpunt 7% gekontrakteer het van 'n hersiene -2,6% in die eerste kwartaal.
1.2. Hoewel sommige sektore van die ekonomie, soos mynbou, konstruksie en finansiering, verbeterde groei getoon het, was dit onvoldoende om die inkrimping in ander sektore, veral die landbousektor, ten volle te verreken.
1.3. Wat uitgawes betref, het netto-uitvoere sterk herstel, maar dit is geneutraliseer deur 'n afname in huishoudelike uitgawes en 'n beduidende afname in inventarisse. Beleggingsgroei deur private maatskappye het toegeneem, terwyl beleggings deur die openbare sektor gekrimp het.
1.4. Die stygende onbestendigheid in wêreldwye markte en die BBP-uitslag vereis dat die regering pogings versnel om beperkinge tot ekonomiese groei te verwyder, terwyl kwesbare groepe ondersteun moet word.
1.5. Ekonomiese groei het die afgelope vier jaar beduidend afgeneem. Dit weerspieël faktore soos droogtetoestande in die landbousektor en lae kommoditeitspryse, maar ook huishoudelike strukturele beperkinge wat beleggings- en werkskepping ontmoedig het.
1.6. Die regering het onder meer onderneem om die visumstelsel volledig te hervorm om die toerismesektor te ondersteun; sleutelmynwetgewing te finaliseer om die mynbedryf te ondersteun; en die finansies van ondernemings in staatsbesit verder te stabiliseer.
1.7. Die komende werks- en beleggingsberade, sowel as die voorgestelde regeringstimuluspakket, sal besonderhede verskaf oor hervormings wat nodig is om groei aan te dryf.
1.8. Die Kabinet bevestig die regering se verbintenis tot fiskale volhoubaarheid en 'n hersiene fiskale raamwerk sal in die Mediumtermyn-begrotingsbeleidsverklaring voorgelê word.
2. Besoek aan die Verenigde Koninkryk (VK) en Noord-Ierland
2.1. Die Kabinet verwelkom saam met President Cyril Ramaphosa die suksesvolle werksbesoek van Eerste Minister Theresa May van die Verenigde Koninkryk van Groot-Brittanje en Noord-Ierland. Dit hou verbeterde voordele vir Suid-Afrika in deur versterkte bilaterale handel en belegging. Die Verenigde Koninkryk is een van Suid-Afrika se grootste buitelandse beleggers, met meer as 650 Britse firmas teenwoordig in ons mark. Tydens die bilaterale samesprekings is moontlike vennootskappe en samewerking bespreek.
2.2. Eerste Minister May het ook die SS Mendi Bell aan Suid-Afrika se hoofbevelvoerder, President Ramaphosa, en die mense van Suid-Afrika, oorhandig ter herdenking aan die meer as 600 Suid-Afrikaners wat gesterf het toe die SS Mendi meer as 100 jaar gelede in die Engelse kanaal gesink het.
3. Forum vir China-Afrika-samewerking (FOCAC) -beraad
3.1. Die Kabinet skenk aandag aan die Beijing-aksieplan (2019-2021), wat die uitkomste van die FOCAC-beraad, waartydens President Ramaphosa en China se President Xi Jinping mede-voorsitters was, uiteensit.
3.2. Om China en Afrika se omvattende strategiese en samewerkende vennootskap te bou, het China hom verbind tot die implementering van 10 samewerkingsplanne met Afrika. Dit is op die gebiede van industrialisering; die modernisering van landbou; infrastruktuur; finansiële dienste; groen ontwikkeling; handels- en beleggingsfasilitering; armoedeverligting en openbare welsyn; openbare gesondheid; en mens-tot-mens-uitruilings, sowel as vrede en veiligheid. Oor die tydperk sal samewerking tussen die twee lande ondersteun word deur die tema: "China en Afrika: na 'n selfs sterker gemeenskaplikheid met 'n gedeelde toekoms deur middel van wen-wen-samewerking.”
4. Brandstofprys
4.1. Die Kabinet verwelkom die onveranderde brandstofprys vir hierdie maand as 'n eenmalige tydelike verligting vir gebruikers van openbare vervoer, motoriste en verbruikers, terwyl die Departement van Energie ander maatreëls ondersoek.
4.2. Globale faktore, insluitende die verhoging van die ru-olieprys en die negatiewe sentiment rondom ontluikende markte, het daartoe gelei dat die brandstofprys sedert April vanjaar vinnig in Suid-Afrika gestyg het.
4.3. Die Kabinet het sy kommer uitgespreek oor die stygings en die nadelige uitwerking op die algemene verbruiker, insluitend onder meer die uitwerking wat verband hou met die inflasionêre impak, aangesien produsente die stygings na die kleinhandelsektor oordra.
4.4. Met die oog hierop, het die Minister van Energie, mnr Jeff Radebe, namens die regering 'n spesiale ingryping gedoen om die publiek teen nog 'n skerp styging in die brandstofprys te beskerm, met die uitsondering van die toename van 4,9 sent per liter in die kleinhandelmarge van petrol om voorsiening te maak vir die jaarlikse salarisverhogings van werknemers, soos petroljoggies by motorhawens.
4.5. Terwyl wêreldwye uitdagings ’n impak op die ekonomie het, is die Kabinet tevrede dat hierdie ingryping geen impak op die fiskus het nie, aangesien fondse gebruik word wat reeds in die brandstofprysstruktuur is.
5. Grondhervorming
5.1. Die Kabinet doen 'n beroep op alle Suid-Afrikaners om die debat oor die kwessie van grondhervorming te gebruik om nasiebou en sosiale samehorigheid te versterk. Die ontplooiende parlementêre proses sal duidelikheid bring en ons toelaat om as ’n nasie vorentoe te beweeg. Die deursigtige, reëls-gebaseerde en grondwetlike proses is in ooreenstemming met ons verbintenis om gesamentlik oplossings te vind vir die bevordering van ons samelewing.
5.2. Die Kabinet is oortuig dat hierdie proses ons sal toelaat om 'n grondhervormingsmodel saam te stel wat vir almal werk.
5.3. Deur saam te werk, kan ons 'n beter nasie bou waar die drome en strewes van al ons mense ‘n werklikheid word.
6. Water
6.1. Die Kabinet is tevrede dat die Departement van Water en Sanitasie die bou van die Cornelis-rivierdam in die Vrystaat voltooi het. Die dam, wat tot voordeel van 2 690 huishoudings en 'n geraamde 10 674 mense sal strek, sal die tekort aan water vir gemeenskappe in Warden en Ezenzeleni onder die Phumelela Plaaslike Munisipaliteit, verlig.
6.2. Suid-Afrika ervaar steeds watertskaarste as gevolg van droogtetoestande en die Kabinet doen 'n beroep op almal in die land om hierdie hulpbron spaarsamig en oordeelkundig te gebruik en om waterwys te bly.
7. Onderwys
7.1. Die Kabinet wens die Departement van Basiese Onderwys (DBO) geluk met die suksesvolle oorhandiging van die Laerskool Delft Suid, buite Kaapstad in die Wes-Kaap.
7.2. Die skool is gebou deur die departement se inisiatief vir die Versnelde Lewering van Infrastruktuur by Skole (ASIDI) teen 'n koste van R75 miljoen. Dit bestaan uit 45 klaskamers, 'n rekenaar- en wetenskaplaboratorium, 'n biblioteek en 'n voedselsentrum. Dié moderne nuwe fasiliteit sal 'n bevorderende leer- en onderrigomgewing aan ongeveer 1 580 leerders uit die Delft-gemeenskap bied.
7.3. Dit is die finale skool uit 25 skole wat deur die DBO se inisiatief aan die Wes-Kaap oorhandig is. Tot dusver het die ASIDI-program nasionaal 205 205 moderne skole gebou. Altesaam 685 skole is voorsien van betroubare watervoorsiening, ongeveer 486 skole is voorsien van ordentlike sanitasiegeriewe en 372 skole is vir die eerste keer aan die elektrisiteitsnetwerk gekoppel.
8. 2019-aansoeke om die Nasionale Finansiële Hulpskema vir Studente (NSFAS)
8.1. Die Kabinet verwelkom die oorweldigende reaksie van voornemende studente na aanleiding van die amptelike opening van die 2019 NSFAS-aansoeksproses op 3 September. Meer as 45 000 potensiële en huidige studente het die eerste dag op die NSFAS-webwerf ingeteken. Daar is ook vordering gemaak om die agterstand van uitstaande betalings aan studente uit te klaar.
8.2. Die aansoekproses is gebaseer op 'n nuwe stelsel wat befondsingsbesluite vinniger maak, terwyl aansoeke nou maklik deur studente ingevul word, ongeag hul ligging.
9. Listeriose
9.1. Die Kabinet verwelkom die verklaring dat die uitbreek van Listeriose verby is. Dit is ’n sterk aanduiding dat die Departement van Gesondheid (DvG) en die Nasionale Instituut vir Oordraagbare Siektes se noodhulp-samewerkingsplan ondersteun deur die Wêreldgesondheidsorganisasie, die uitbreek beheer en beëindig het.
9.2. Die DvG het 'n toesigstelsel in plek gestel om 'n herhaling te voorkom. Alle fabrieke wat voorbereide vleis en hoender maak, moet ingevolge die bygewerkte higiëne-regulasies van Regulasie R607, wat op 14 Junie 2018 gepubliseer is, bestuurstelsels vir voedselveiligheid in plek hê.
10. Bewerings van vervalste kos of kos wat verval het
10.1. Die Kabinet prys die vinnige optrede van die Minister van Gesondheid, dr. Aaron Motsoaledi, om die bewerings van vervalste kos en kos wat verval het in Suid-Afrika te ondersoek. Die DvG het 'n verskeie klagtes ontvang en het sy kommer uitgespreek oor ongeverfieerde kosverwante video's wat op sosiale media sirkuleer.
10.2. Sedert Augustus is blits-inspeksies by verskeie kospersele uitgevoer en dit word steeds in verskillende dele van die land gedoen.
10.3. Daarbenewens is die kosbedryf versoek om die egtheid van potensiële vervalste kos te bevestig terwyl ander regeringsowerhede van die departemente van Landbou; Bosbou en Visserye; en Handel en Nywerheid, insluitend die Nasionale Verbruikerskommissie (NVK), betrokke is by die bevestiging van openbare eise van gekompromitteerde gehaltestandaarde.
10.4. Die Kabinet doen 'n beroep op die publiek om waaksaam te wees in die onderskeidende terme wat met kos verband hou:
- Die beste voor-datum verwys na die lang raklewe van droë en ingemaakte produkte, en is nie 'n aanduiding van veiligheid nie.
- Die verkoopsdatum word gebruik vir bederfbare kos wat gewoonlik in 'n yskas gestoor word, en dit is volgens wêreldwye owerhede vanaf Julie vanjaar nie meer van toepassing nie.
- Die gebruiks- of vervaldatum is die vervaldatum en beteken dat die kos nie meer smaaklik of eetbaar sal wees na dié datum nie. Vir bederfbare kos beteken dit dat dit nie meer geëet moet word nie.
- "Valsgoedere" is tipies goedere wat onder 'n ander maatskappy se handelsnaam verkoop word, terwyl die term "vervalste kos" deur sosiale media gebruik word om te verwys na voedsel wat nie voedselstowwe bevat nie.
10.5. Die Kabinet herhaal oproepe aan gemeenskappe om tasbare bewyse te lewer van kos wat van potensieel skadelike stowwe en chemikalieë gemaak is.
10.6. Verder veroordeel die Kabinet aanvalle en plundering van winkels as 'n reaksie op die verkoop van verdagte kosse. Sulke kriminele dade sal nie geduld word nie en wetstoepassingsagentskappe sal nie huiwer om persone wat hierdie kriminele dade aanhits of uitvoer in hegtenis te neem of te vervolg nie. Die Kabinet doen ’n dringende beroep op mense wat bewus is van verdagte kosse om die DvG-blitslyn op 011 386 2003/6 te skakel en die NVK op 012 428 7000.
11. Betaling van maatskaplike toelaes
11.1. Die Kabinet verwelkom die vorderingsverslag van die Minister van Maatskaplike Ontwikkeling, Susan Shabangu, oor die vennootskap tussen die Suid-Afrikaanse Maatskaplike Sekerheidsagentskap (SASSA) en die Suid-Afrikaanse Poskantoor (SAPO) om die betaling van maatskaplike toelaes van Cash Paymaster Services oor te neem met ingang van 1 Oktober 2018.
11.2. SASSA het tot dusver sowat vyf en 'n half miljoen ou kaarte vervang met die nuwe SASSA goue kaart, maar duisende moet nog omgeruil word. Die Kabinet doen 'n beroep op kaarthouers om die ruil te maak.
11.3. SAPO sal ook die betaling van kontant aan ontvangers wat nie kontant van kitsbanke of handelaars kon onttrek nie, oorneem. Vir meer inligting kan ontvangers van maatskaplike toelaes SASSA se tolvrynommer op 0800 60 10 11 gedurende kantoorure skakel.
12. Treinongeluk
12.1. Die Kabinet wens die pendelaars wat beseer is toe twee Metrorail-treine by die Eloff-uitbreiding in Selby, suid van Johannesburg gebots het, 'n vinnige herstel toe en doen ’n beroep dat die ondersoek na die oorsaak van die ongeluk bespoedig moet word om 'n herhaling voorkom.
B. Kabinetsbesluite
1. Die Kabinet keur goed dat die 2017/18 Nasionale Misdaadstatistieke deur die Suid-Afrikaanse Polisiediens bekend gemaak is.
1.1. Die jaarlikse misdaadstatistieke stel die regering in staat om belangrike teikens te monitor, veral die vermindering van aangemelde ernstige misdade, soos uiteengesit in die Mediumtermyn Strategiese Raamwerk 2014-2019. Die misdaadstatistieke kan ook as vroeë waarskuwingsaanwysers gebruik word om misdaadvoorkomingsaktiwiteite en -strategieë van verskeie staatsdepartemente te versterk.
2. Die Kabinet is ingelig oor die vordering wat gemaak is met die bestuur van dissipline van staatsamptenare wat met 'n staatsinstelling sake doen. Die bevordering van regverdige administratiewe optrede deur senior regeringsamptenare is 'n kritieke deel van die opbou van 'n oop en verantwoordbare regering ooreenkomstig die Grondwet van die Republiek van Suid-Afrika van 1996 en die bou van 'n bekwame staat ooreenkomstig die Nasionale Ontwikkelingsplan (NDP): Visie 2030.
2.1. Vordering is gemaak met die implementering van Regulasie 13 (c) van die Staatsdiensregulasies van 2016, wat staatsdienswerknemers verbied om sake te doen met 'n staatsinstelling, asook Regulasie 18 van die Staatsdiensregulasies van 2016, wat vereis dat lede van die Senior Bestuursdiens hul finansiële en ander private belange moet openbaar.
2.2. Die Kabinet keur ook goed dat staatsdepartemente se betrokke uitvoerende gesag die implementering van Regulasie 13 (c) van die Staatsdiensregulasies van 2016 moet monitor, toepaslike dissiplinêre stappe doen en 'n verslag daarvan aan die einde van elke finansiële jaar by die Minister van Staatsdiens en Administrasie indien. Die eerste verslag vir voorlegging aan die Minister moet teen 31 Maart 2019 ingedien word.
2.3. In 2016 en 2017 het die Departement van Staatsdiens en Administrasie staatsdienswerkers geïdentifiseer wat as verskaffers op die Sentrale Verskaffersdatabasis geregistreer is, soos deur die Nasionale Tesourie voorsien. Departemente is versoek om bewustheid te skep, inligting te verifieer en verslag te doen oor vordering met implementering van die stappe wat teen oortreders geneem is.
2.4. Teen die einde van April 2018 het 96% van alle senior bestuurders hul openbaarmakings ingedien met behulp van die eDisclosure-stelsel.
3. Die Kabinet is ingelig oor die vordering wat met die Nasionale Skool vir Regering (NSG) se befondsingsmodel gemaak is.
3.1. Die Kabinet het 'n pakket van verpligte opleidingsprogramme goedgekeur wat deur die NSG geloods is om vinnige intervensies vir kapasiteitsontwikkeling te onderneem en om die staatsdiens te professionaliseer. Die direkte betaling aan die NSG vir verpligte programme deur toepaslike diensdepartemente uit hul opleidingsbegrotings is ook goedgekeur.
3.2. Dit sal lei tot 'n ontwikkelende openbare administrasie wat goeie vordering maak om Visie 2030 van die NDP te bereik deur 'n bekwame en ontwikkelende staat te bou wat deur samewerking met 'n aktiewe burgerskap, 'n meedoënlose bestuur teen armoede, werkloosheid en sosiale ongelykheid lei.
4. Die Kabinet keur goed dat die Witskrif oor Wetenskap, Tegnologie en Innovasie van 2018 vir openbare kommentaar gepubliseer word. Die Minister van Wetenskap en Tegnologie, me Mmamoloko Kubayi-Ngubane, sal weldra 'n volledige inligtingsessie verskaf.
5. Die Kabinet keur ook goed dat die Nasionale Beskermde Gebiede Uitbreidingstrategie (NPAES) vir openbare kommentaar gepubliseer word.
5.1. Die NPAES is 'n strategiese plan van 20 jaar wat in lyn is met die NOP. Die klem val op die uitbreiding van beskermde gebiede, met spesifieke verwysing na ekonomiese groei, transformasie en volhoubaarheid.
5.2. Die NPAES beklemtoon hoe skaars menslike en finansiële hulpbronne doeltreffend toegewys kan word om koste-effektiewe beskermde gebiedsuitbreiding, ekologiese volhoubaarheid en veerkragtigheid teen klimaatsverandering te bereik.
5.3. Suid-Afrika se netwerk van beskermde gebiede sluit in wêreld erfenisterreine, nasionale parke, natuurreservate, spesiale natuurreservate, beskermde omgewings, beskermde mariene gebiede, bergopvangsgebiede, spesiaal beskermde bosgebiede en woudnatuurreservate.
6. Die Kabinet keur goed dat Suid-Afrika se Onderhandelingsposisies vir die 13de Vergadering van die Konvensie van Kontrakterende Partye tot die Ramsar-konvensie oor Vleilande (Ramsar COP 13) van 21 tot 29 Oktober 2018 in Dubai, Verenigde Arabiese Emirate gehou word.
6.1. Die breë doelstellings van die Ramsar-konvensie is om die bewaring en oordeelkundige gebruik van alle vleilande te verseker. In Suid-Afrika is vleilande, waarvan 48% bedreig is, die mees bedreigde van alle ekostelsels.
6.2. Dit dra by tot die bestuur van waterhulpbronne as deel van 'n proaktiewe benadering tot droogtebestuur.
C. Wetsontwerpe
1. Die Kabinet keur goed dat die Wysigingswet op Vergoeding vir Beroepsbeserings en -siektes van 2018 vir openbare kommentaar gepubliseer word.
1.1. Die Wetsontwerp, wat die Wet op Vergoeding vir Beroepsbeserings en -siektes, 1993 (Wet 130 van 1993) wysig, erken huishoudelike werkers wat voorheen uitgesluit is van die Wet, as werknemers wat voordele moet ontvang, sowel as die verbetering van bestaande voordele.
1.2. Die wysigings verbeter die voordele wat aan werknemers en hul afhanklikes betaalbaar is, en beoog om beseerde en siek werknemers te help om gerehabiliteer te word en weer in ’n werksomgewing en hul gemeenskappe geïntegreer te word.
2. Die Kabinet keur goed dat die Wysigingswetsontwerp op Kinderregte van 2018 aan die Parlement voorgelê word.
2.1. Die Wetsontwerp wysig die Wet op Kinderregte, 2008 (Wet 75 van 2008) om die minimum ouderdom van kriminele bevoegdheid van 'n kind te hersien deur dit van die ouderdom van 10 jaar tot 12 jaar te verhoog. Die wetsontwerp verbeter die handhawing van die regte van kinders in stryd met die wet.
2.2. Die Wetsontwerp ontkoppel ook die kwessie van kriminele bevoegdheid van afleiding, deur die verwydering van die vereiste om kriminele bevoegdheid vir doeleindes van afleiding en voorlopige navrae te bewys.
3. Die Kabinet keur goed dat die Wysigingswetsontwerp op die Burgerlike Lugvaart van 2018 by die Parlement ingedien word.
3.1. Die Wetsontwerp, wat die Wet op Burgerlike Lugvaart, 2009 (Wet 13 van 2009) wysig, sal die regulasies vir lugvaartveiligheid, -sekuriteit en omgewingsbeskerming versterk om volhoubaarheid en stabiliteit van die burgerlike lugvaartbedryf te verseker.
3.2. Dit sal verseker dat Suid-Afrika steeds die land se internasionale verpligtinge op die gebied van burgerlugvaart nakom, wat ondersteuning van ons ekonomiese ontwikkeling versterk as 'n katalisator vir toenemende handel, toerisme en werkskepping.
3.3. Die Wetsontwerp maak ook voorsiening vir onder meer die operasionele onafhanklikheid van ondersoeke na vliegtuigongelukke en verwante voorvalle, en om teenstrydighede en tekortkominge reg te stel.
D. Toekomstige gebeure
1. Thusong Dienssentrumweek
1.1. Binne die konteks van Staatsdiensmaand, bied die jaarlikse Thusong Dienssentrum Week van 17 tot 21 September 2018 onder die tema: "Thuma Mina: Openbare Dienste aan die Mense", nog 'n platform vir die regering om openbare dienste aan na die publiek te neem.
1.2. Thusong Dienssentrums is eenstopsentrums vir toegang tot regeringsdienste en -inligting. Die 133 Thusong Dienssentrums landwyd is sentrums van hoop, toegang, regstelling, gelykheid en bemagtiging vir diegene wat voorheen gemarginaliseer is uit die hoofstroom van sosio-ekonomiese ontwikkeling.
1.3. Die regering werk aan die installering van 'n bestuurstelsel vir wagtoue wat die prosesvloei sal versnel en sodoende die wagtyd in toue sal verminder. Die stelsel sal landwyd in alle sentrums geïnstalleer word, met die fokus ook op inligting- en kommunikasietegnologie (IKT) -konnektiwiteit, wat 'n aktiveerder vir beter dienslewering is.
2. 2018 ITU Telekom-wêreldkonferensie
2.1. Die Kabinet verwelkom die Internasionale Telekommunikasie-unie (ITU) se Internasionale Telekom-wêreldkonferensie in Durban van 9 tot 13 September 2018 onder die tema "Innovasie vir slimmer digitale ontwikkeling". Die geleentheid, wat vir die eerste keer in Afrika aangebied word, bied 'n geleentheid vir 'n groter deelname van Afrika-lande aan die bevordering van IKT in Afrika as 'n bestuurder van ontwikkeling en innovering.
2.2. Die jaarlikse konferensie lok meer as 9 000 afgevaardigdes van regoor die wêreld. Die regering en nywerheidsleiers verken en identifiseer beleggingsgeleenthede en beste praktyke vir sosio-ekonomiese ontwikkeling deur middel van IKT. Sleutelkwessies vir bespreking sluit in: 5G vir slimmer digitale ontwikkeling, samewerking oor kuberveiligheid, digitale finansiële dienste en satelliete vir slimmer digitale ontwikkeling.
2.3. Die ITU Telekom-wêreldkonferensie 2018 word aangebied in 'n tyd waarin Suid-Afrika belangrike nasionale projekte in werking stel. Dit sluit in die nasionale e-regeringstrategie wat fokus op die digitale transformasie van regeringsdienste en die nasionale IKT-ondersteuningsstrategie vir klein, medium en mikro-ondernemings (SMME), wat daarop gemik is om die potensiaal van die Suid-Afrikaanse IKT-KMMO-sektor te ontsluit. Hierdie hulpmiddels skep 'n bemagtigende omgewing vir die groei van die sektor en verseker hul volhoubaarheid.
E. Boodskappe
1. Meegevoel
1.1. Die Kabinet betuig sy diepste meegevoel aan die:
- die naasbestaandes en die hele Tshwane Universiteit van Tegnologie-gemeenskap ná die dood van Katlego Monareng. Die Kabinet doen ’n beroep op mense om kalm te bly terwyl die polisie-ondersoek aan die gang is om te verseker dat elkeen wat vir die ontydige dood verantwoordelik is, voor die volle mag van die wet te staan sal kom.
- familie en vriende van die agt mense wat in 'n ontploffing by die Denel-ammunisiefabriek in Somerset-Wes in die Wes-Kaap gesterf het.
- naasbestaandes van diegene wat in 'n noodlottige brand gesterf het by 'n gebou wat deur die Gautengse Provinsiale Regering se departemente van Gesondheid; Menslike Nedersettings; en Koöperatiewe Regering gedeel word.
2. Gelukwense
2.1. Die Kabinet wens die mense van Zimbabwe geluk met die suksesvolle oorgang na 'n nuwe regering onder leiding van President Emmerson Mnangagwa, wat op 26 Augustus 2018 amptelik ingehuldig is. President Ramaphosa het by ander Afrika-leiers in Harare aangesluit om die geleentheid mee te maak. Die Kabinet ondersteun President Ramaphosa se verbintenis tot noue samewerking met Zimbabwe om die bestaande historiese, politieke en broederlike verhoudings te verbeter, met spesifieke klem op die bevordering van ekonomiese samewerking.
2.2. Die Kabinet prys die Wetenskaplike en Nywerheidsnavorsingsraad, en spesifiek sy vroulike navorsers, dat gesondheidsnavorsing onderneem word om die land se gesondheidsorgstelsel te verbeter. Dit sluit in: (i) 'n diabetes-opsporingskyfie om bloedsuikervlakke te monitor deur asem te analiseer; (ii) ontwikkeling van probiotika vir gebruik in die produksie van braaikuikens, kabeljou en perlemoen, wat sal help met die produksie van natuurlike dierprodukte, wat vry is van antibiotika, chemikalieë en groeistimulante; (iii) en verdere stamselnavorsing.
2.3. Die Kabinet wens ook vir dr Evodia Setati, 'n senior navorser van die Universiteit van Stellenbosch se Departement Wingerd- en Wynkunde geluk met haar Toekenning vir Voortreflike Vrouewetenskaplike by die jaarlikse Suid-Afrikaanse Vroue in Wetenskaptoekennings in Polokwane op 23 Augustus 2018.
2.4. Die Kabinet wens Caster Semenya geluk met haar indrukwekkende oorwinning in die 800-meter-wedloop van die derde Diamond League-eindstryd in Switserland.
F. Aanstellings
Alle aanstellings is onderworpe aan die verifikasie van kwalifikasies en die toepaslike klaring.
1. Mr Jacob Ganny Mbele as Adjunkdirekteur-generaal (ADG): Energieprogramme en Projekte in die Departement van Energie.
2. Me Hilda Dikeledi Mhlongo as die ADG: Korporatiewe Dienste in die Departement van Energie.
3. Nie-uitvoerende direkteure op die Direksie van die Land- en Landbou-ontwikkelingsbank:
- Adv Sandra Coetzee (heraanstelling); en
- Me Mathane Eveline Makgatho.
Navrae:
Me Phumla Williams, Waarnemende Kabinetswoorvoerder
Selfoon: 083 501 0139
