Hi
Leswi u faneleke ku swi endla
Leswi u faneleke ku swi endla
Xana swi durha mali muni
Tifomo leti tatiwaka
Vuxokoxoko bya vutihlanganisi
Hi mayelana na nkambelo wa vuyimana
Loko u ehleketelela leswaku u nga va u ri muyimana, u fanele ku ya etliliniki ya le kusuhi na wena kumbe eka mutirhi wa swa vutshunguri wa xiphurofexinali ku ya kuma nkambelo wa vuyimana. U nga tlhela u xava khiti ya nkambelo wa vuyimana ya le kaya ekhemisini.
Loko u ri na swikombeto swo tanihi:
- kutlula ku vona n’weti
- ku hlambiwa hi timbilu
- ku fehla ka mavele
- nkarhalo
Ku kamberiwa vuyimana swi nga tiyisisa leswi u swi ehleketelelaka.
Tekela enhlokweni: Nkambelo wa vuyimana na wona wa endliwa loko nandzu wo pfinya wu mangariwile.
Leswi u faneleke ku swi endla
- Yana etliliniki ya le kusuhi na wena kumbe eka mutirhi wa swa vutshunguri wa xiphurofexinali
- Tatisa fomo ya muvabyi
- Loko u tsakela:
- nkambelo wa ngati, dokodela wa wena u ta teka sampulu ya ngati kutani a yi rhumela elaboretari ku ya xoperiwa
- nkambelo wa mitsakamiso, dokodela wa wena u ta ku nyika khapi ya xikombiso xa xilavisisiwa laha u nga ta fanela ku nyika sampulu ya mitsakamiso.
Tekela enhlokweni: U nga tlhela u xava khiti ya nkambelo wa vuyimana ya le kaya etikhemisini.
Xana swi teka nkarhi wo leha kufika kwihi
- Mivuyelo ya nkambelo wa mitsakamiso – xikan’wekan’we
- Mivuyelo ya nkambelo wa ngati – tiawara ti nga ri tingani kumbe masiku ma nga ri mangani
Xana swi durha mali muni
Vukorhokeri lebyi i mahala etitliliniki na swibedhele leswi nga nga ehansi ka vun’wini bya mfumo. Miako ya swa vutshunguri leyi nga riki ya mfumo yi hakerisa hakelo ya mpimohansi.
Tekela enhlokweni: U nga tlhela u xava khiti ya nkambelo wa vuyimana ya le kaya ekhemisini ya le kusuhi na wena.
Tifomo leti faneleke ku tatisiwa
Fomo ya muvabyi.
Loyi u nga tihlanganisaka na yena
Endzela tliliniki ya le kusuhi na wena kumbe muako wa swa vutshunguri wa xiphurofexinali.