Ka ga

Seo o swanetšego go se dira

Lebaka

E dira tshenyagelo ya bokae

Diforomo tšeo di swanetšwego go tlatšwa

Dintlha tša boikopanyo

Mabapi le go dira teko ya boimana

Ge e le gore o belaela gore o imile, o swanetše go ya kliniking ya kgauswi le wena goba go mošomi wa tša maphelo wa phrofešenale go dirwa teko ya boimana. Gape o ka reka setlabelo ka khemeseng sa go dira teko ya boimana ka gae.

Ge e le gore o na le maswao a go swana le:

• go fetwa ke matšatši a lehlapo
• go sellega
• matswele a eba a mathata
• go lapa kudu

teko ya boimana e ka tiišetša pelaelo ya ga gago.

Hlokomela: Teko ya boimana e dirwa gape ge go begilwe molato wa go kata.

Se o swanetšego go se dira

1. Eya kliniking ya kgauswi le wena goba go mošomi wa tša maphelo wa phrofešenale
2. Tlatša fomo ya molwetši 
3. Ge o nyaka:
   • Teko ya madi, ngaka ya gago e tla goga sampole ya madi gomme ya e romela ka laporathoring go dira tshekatsheko
   • Teko ya moroto, ngaka ya gago e tla go fa komiki yeo o ka rotelago ka go yona go fa sampole ya moroto.

Hlokomela: Gape o ka reka setlabelo ka khemeseng sa go dira teko ya boimana ka gae.

Naa go tšea lebaka le lekaakang

• Dipoelo tša teko ya moroto – ka bjako
• Dipoelo tša teko ya madi – diiri tše mmalwa goba matšatši a mmalwa

Go bitša bokae

Tirelo ye ga e lefelwe ka dikliniking le ka dipetleleng tša mmušo. Mafelo a kalafo a phraebete e tla lefiša tšhelete ya fasana.

Hlokomela: Gape o ka reka setlabelo ka khemeseng sa go dira teko ya boimana ka gae.

Difomo tše o ka di tlatšago

Fomo ya molwetši. 

O ka ikgokaganya le mang

Etela kliniki ya kgauswi le wena goba lefelo la kalafo la phrofešenale.