Ngesi
Yini lekumele uyente
Sikhatsi semsebenti
Ngabe kubita malini
Emafomu lagcwaliswako
Ngubani longamutsintsa
Mayelana nekwenta luhlolo lwekukhulelwa
Nangabe usola kutsi ukhulelwe, kufanele kutsi uye emtfolamphilo wakho losedvute nome uye kudokotela wetekwelapha uyokwenta kuye lolo luhlolo lwekukhulelwa. Ungatitsengela futsi ekhemisi lithulusi lekuhlola kukhulelwa usekhaya.
Nangabe unetimphawu letifanana naleti:
- kungayi esikhatsini
- kugonyoluka/kuyabuleka
- kugcwala kwemabele
- kukhatsala
Luhlolo lwekukhulelwa lungacinisekisa tinsolo takho.
Caphela: Luhlolo lwekukhulelwa luyentiwa futsi nangabe kubikwa licala lekugagadlelwa/kudlwengula.
Yini lekumele kutsi ukwente
- Hamba uye emtfolamphilo wakho losedvute nome kudokotela wetekwelapha
- Gcwalisa lifomu lesigulane
- Nangabe unconota kutsi:
- kwentiwe luhlolo lwengati, dokotela wakho utakudvonsa isampuli yengati ayitfumele elabhorethi kutsi iyowuhlatiywa khona
- kwentiwe luhlolo lwemchamo, dokotela wakho utakunika inkomishi yesampuli lapho utawufaka khona isampuli yakho yemchamo.
Caphela: Ungaphindza futsi utitsengele ekhemisi lithulusi lekuhlola kukhulelwa usekhaya.
Kutsatsa sikhatsi lesingakanani
- Umphumela weluhlolo lwemchamo – ngekushesha
- Umphumela weluhlolo lwengati – ema-awa nome tinsuku letimbalwa
Kubita malini
Kwenta lomsebenti kumahhala emitfolamphilo yahulumende kanye nasetibhedlela tahulumende. Tikhungo tetemphilo letitimele tibita imali lencane.
Caphela: Ungaphindza futsi utitsengele ekhemisi lelisedvute nawe lithulusi lekuhlola kukhulelwa usekhaya.
Emafomu lekumele kutsi uwagcwalise
Lifomu lesigulane.
Ngubani longamtsintsa
Vakashela umtfolamphilo wakho losedvute nome dokotela wetekwelapha.
