Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u ḓadzwa
Vha kwama inyi
Nga ha u ita ndingo dza vhuimana
Arali vha khou humbulela uri vha nga vha vha muimana, vha fanela u ya kiḽiniki ya tsini na ha havho kana u ya u vhona dokotela uri vha ite ndingo dza vhuimana. Vha nga kha ḓi renga khithi ya ndingo dza vhuimana khemisini.
Arali vha na tsumbadwadze dzi tevhelaho:
- Vho pfukiwa nga maḓuvha
- tsilingwane
- u zwimba maḓamu
- maneto
u ita ndingo dza vhuimana dzi nga khwaṱhisedza khumbulelo dzavho.
Tsivhudzo: Ndingo dza vhuimana dzi a itwa na musi mulandu wa u tzhipa wo vhigiwa.
Zwine vha fanela u ita
- Kha vha ye kiḽiniki ya tsini na ha haho kana ha dokotela
- Vha ḓadza fomo ya mulwadze
- Arali vha tshi funa:
- Ndingo ya malofha, dokotela wavho u ḓo vha dzhia malofha a a rumela ḽaborathori uri a saukanyiwe.
- Ndingo ya murundo, dokotela wavho u ḓo vha fha khaphu ya spesimene hune vha ḓo tea u ṋetshedza murundo.
Tsivhudzo: Vha nga kha ḓi renga khithi ya ndingo dza vhuimana ya hayani khemisini.
Zwi dzhia tshifhinga tshi ngafhani
- Mvelelo dza ndingo ya murundo – zwenezwo nga u ṱavhanya
- Mvelelo dza ndingo ya malofha- awara dzi si gathi kana maḓuvha
Ndi vhugai
Tshumelo ndi mahala kha kiḽiniki dza muvhuso na zwibadela zwa muvhuso. Zwiimiswa zwa dzilafho zwa phuraivethe vha ḓo vha badelisa mbadelo ya fhasi.
Tsivhudzo: Vha nga renga khithi ya ndingo ya vhuimana ya hayani khemisini ya tsini na ha havho.
Fomo dzi teaho u ḓadzwa
Fomo ya mulwadze.
Vha kwama nnyi
Vha dalela kiḽiniki ya tsinisa na ha havho kana vha ya kha zwiimiswa zwa dzilafho zwa phurofeshinaḽa.
