Ukuhlolisa ukuzithwala

Okuphathelene 
Okufanele ukwenze
Isikhathi esibekiweko 
Kubiza malini
Amaforomo ekufanele uwazalise
Ungathintana nobani

 

 

Malungana nokuhlola ukuzithwala

Nayibe usola ukuthi uzithwele, khamba uye emtholapilo oseduze nawe namkha uyokubona udorhodera namkha nanyana ngisiphi isazi sezamaphilo, uyokuhlola ukuthi awukazithwali na. Ungasithenga nekhemisi isisetjenziswa sokuzihlola ukuthi awukazithwali na.

Nayibe kwenzeka lokhu okulandelako kuwe:

  • Weqiwa sikhathi sakho senyanga;
  • Uyayabuka namkha uyasilileka;
  • Amabele aba buthakathaka;
  • Umzimba uyadinwa,

ukuzihlolisela ukuzithwala kungahle kufakazele lokho okusolako.

Tjheja:  Umuntu uyahlolelwa ukuzithwala nalokhuya nakakatiweko.

Ekufuze ukwenze

  1. Khamba uye emtholapilo oseduze nawe namkha uyokubona udorhodere namkha nanyana ngisiphi isazi sezamaphilo;
  2. Zalisa iforomu lesigulani
  3. Nayibe wenyula: 
    • Ukuhlolisa iingazi, udorhoderakho uzakudosa iingazi azithumele elabhorathri kobanyana ziyokuhlolwa;
    • Ukuhlolisa umhlambuluko, udorhoderakho uzakunikela isikhongozelwana ozakuhlambulukela kiso umhlambuluko ekuzakuhlolwa ngawo.

Tjheja:  Ungazithengela isisetjenziswa sokuzihlola ukuzithwala ekhemisi.  

Kuthatha isikhathi esingangani?

  • Umphumela wokuhlolwa komhlambuluko — khonokho
  • Umphumela wokuhlolwa kweengazi  —  ama-awa ambadlwana namkha amalanga ambadlwana

Kubiza malini

Lomsebenzi wokuzihlolisa wenziwa simahla emitholapilo neembhedlela zombuso. Nokho-ke imitholapilo yangeqadi neembhedlela zangeqadi ziyabhadelisa; kodwana yincazana imali yakhona.

Tjheja:  Ungazithengela isisetjenziswa sokuzihlola ukuzithwala ekhemisi eseduze nawe.   

Amaforomu ofanele uwazalise

Iforomu lesigulani

Uthintana nobani

Vakatjhela umtholapilo oseduze nawe namkha iziko lezamaphilo oseduze nalo. 

Share this page