Endla xikombelo xa mpfuneto wa swa timali eka NSFAS

Xana u dinga mpfuneto wa swa timali ku dyondza eka nhlangano wa dyondzo ya le ehenhla? Endla xikombelo xa basari eka Xikimi xa Mpfuneto wa swa Timali wa Swichudeni xa Rixaka (NSFAS).

NSFAS i xikimi xa basari leyi nyikiwaka timali hi Ndzawulo ya Dyondzo ya Henhla na vuleteri xa lavaya va nga hava vuswikoti bya swa timali ku hakelela tidyondzo ta vona naswona va nga kotiki ku fikelela mali ya bangi, tiloni ta dyondzo kumbe tibasari.

Endla xikombelo eka Inthanete (online). Swikombelo swi pfula ku ringana nkarhi lowu pimiweke emahelweni ya lembe rin’wana na rin’wana. Loko u lava ku pfuniwa, bela riqingho eka nomboro ya riqingho ya mahala ya 08000 67327 kumbe u endzela hofisi ya NYDA (NYDA office) ya le kusuhi na wena.

Tekela enhlokweni:

Nseketelo wa swa timali wa NSFAS eka nkarhi lowu nga hundza a wu ri hi xivumbeko xa tiloni naswona a ta ha lava ku rihiwa loko u kuma ntirho endzhaku ka ku heta tidyondzo ta wena. Loko u pase tidyondzo ta wena hinkwato, 40% ta mali ya NSFAS ya lembe rero kumbe hafu ya lembe rero a ti hundzuluxiwa ti va basari. Leswi swi vula leswaku u ta riha ntsena 60% ta loni leyi loko u sungula ku tirha.

Ku kuma vuxokoxoko byo tala tihlanganise na: Xikimi xa Mpfuneto wa swa Timali wa Swichudeni xa Rixaka (National Student Financial Aid Scheme.

Share this page