Ngabe udzinga lusito lwetimali kute uchube tifundvo takho esikhungweni sefundvo lephakeme? Faka sicelo semfundzate eSikimini Savelonkhe Lesisita Bafundzi Ngetimali (i-NSFAS).
I-NSFAS sikimu semfundzate lesisekelwa ngetimali Litiko Letemfundvo Lephakeme Nekucecesha kusita labo labete imali yekuchuba tifundvo tabo futsi labangakhoni kufinyelela kusitwa libhange ngetimali, imalimboleko yekufundza nome imifundzate.
Faka sicelo sakho ku-inthanethi. Ticelo tivulelwe sikhatsi lesincane kutsi tifakwe ekupheleni kwalowo nalowo mnyaka. Nangabe udzinga lusito, shayela lenombolo yamahhala ku: 08000 67327 nome uvakashele lihhovisi laka-NYDA lelisedvute.
Caphela:
Esikhatsini saphambilini kusekelwa baka-NSFAS ngetimali bekuhamba ngendlela yemalimboleko lebekudzinga kutsi uphindze futsi uyikhokhe uyibuyisele emuva nasewutfole umsebenti emva kwekuphotfula tifundvo takho. Nangabe uphase tonkhe tifundvo takho, 40 % wemali labakusite ngayo baka-NSFAS kulowo mnyaka/kuleyo themu beyiguculwa ibe ngumfundzate. Loku kusho kutsi bewubuyisela emuva-60% kuphela walemalimboleko nasewucale kusebenta.
Kute utfole lwatiso lolubanti tsintsa: Sikimu Savelonkhe Lesisita Bafundzi Ngetimali.
