Loko munhu wa le kusuhi na wena a nyamalarile, u fanele ku mangala emaphoriseni hi nkarhi lowu nga hetiki mbilu endzhaku ka loko u swi tivile leswaku u nyamalarile. A wu fanelangi ku yimela tiawara ta 24.
U nga tihlanganisa na Byuro ya Vanhu lava nga Nyamalala kumbe u ya exiticini xa maphorisa xa le kusuhi na wena no mangala hi xihatla leswaku munhu yaloye u nyamalarile endzhaku ka loko u swi tivile leswaku u nyamalarile.
Famba na xifaniso lexi nga ri ki xa khale xa munhu loyi a nga lahleka leswaku xi ta nghenisiwa eka Nhlayisa-switiviwa ya Byuro ya Rixaka ya Vanhu lava nga Nyamalala. Nhlayisa-switiviwa leyi i phurojeke yo Yimisa Vugevenga naswona maphorisa etikweni hinkwaro va yi tirhisa. Nyika vuxokoxoko lebyi nga ta pfuna ku tiva munhu loyi, ku fana na malembe ya yena, ku leha, muhlovo wa misisi, muhlovo wa matihlo, no kombisa minfungho yo fana na swivati kumbe makanjha. U nga komberiwa ku tata tifomo eku nyikeni ka vuxokoxoko lebyi hinkwabyo.
Nandzu wu ta nyikiwa fokisi. U fanele ku tiyisisa leswaku u na vito na vuxokoxoko byo tihlanganisa na yena, no tihlanganisa na yena. U fanele ku nyika fokisi vuxokoxoko byi ntshwa hi munhu loyi a nga nyamalala endzhaku ka loko u mangarile nandzu.
Tsundzuka ku tivisa maphorisa loko munhu loyi a nga nyamalala a kumekini.
Kuma swo tala hi ku mangala munhu loyi a nga nyamalala.
