Nangabe kulahleke umuntfu losondzelene nawe, ufanele ubikele emaphoyisa masinyane nje nawutfola kutsi ulahlekile. Awudzingi kulindza ema-awa lange-24.
Ungatsintsa Lihhovisi Lebantfu Labalahlekile kute ubike umuntfu lolahlekile noma uye esiteshini semaphoyisa lesidvute nawe bese ubika lomuntfu njengalolahlekile masinye nje nawubona kutsi ulahlekile.
Hamba nesitfombe sakamuva salomuntfu lolahlekile kute kutsi sishicilelwe kudathabheysi yeLihhovisi Lavelonkhe Lebantfu Labalahlekile. Ledathabheysi ingumklamo weVimba Bugebengu futsi onkhe emaphoyisa kulo lonkhe lelive ayayisebentisa. Niketa lonkhe lwatiso lolungasita kutsi kutfolakale lomuntfu, njengemnyaka wakhe webudzala, budze, umbala wetinwele, umbala wemehlo, nanoma ngutiphi letinye timphawu njengetibati nema-tattoo. Ungacelwa ugcwalise lifomu unikete lonkhe lolwatiso.
Lelicala litawubese liniketwa umseshi kutsi abukane nalo. Ufanele wente siciniseko sekutsi utsatsa ligama nemininingwane yekutsintsana yalomseshi, futsi uchumane naye. Ufanele unike lomseshi nanoma ngabe nguluphi lwatiso lolusha mayelana nalomuntfu lolahlekile lolutfola ngemuva sewubike loludzaba.
Khumbula kwatisa emaphoyisa nangabe lomuntfu bekalahlekile sewutfolakele.
Tfola kabanti mayelana nekubika umuntfu lolahlekile.
