Ge e le gore motho yo o mo tsebago o timetše, o swanetše go bega se maphodiseng ka pela ka fao o ka kgonago ka gona ge o se no tseba gore o timetše. Ga se wa swanela go ema diiri tše 24.
O ka ikgokaganya le Biro ya Batho bao ba Timetšego go bega motho yo a timetšego goba o ye setešeng sa maphodisa sa kgauswi le wena gomme o bege gore motho o timetše ka pela ka fao o kgonago ge o se no tseba gore o timetše.
Sepela le senepe seo se sego sa kgale sa motho yo a timetšego gore se kgone go sekeniwa le go tsenywa ka lenaneong la tshedimošo la Biro ya Bosetšhaba ya Batho bao ba timetšego. Lenaneo le la tshedimošo ke protšeke ya Thibelo ya Bosenyi gomme maphodisa nageng ka bophara ba a le šomiša. Efa tshedimošo efe goba efe ye e ka thušago go tseba motho yoo, go swana le mengwaga ya gagwe, botelele, mmala wa moriri, mmala wa mahlo, le maswao afe goba afe ao a ka tsebjago ka ona go swana le mabadi goba dithathu. O ka kgopelwa go tlatša diforomo tše mo go tšona o fago tshedimošo ye ka moka.
Letseka le tla fiwa molato woo. O swanetše go netefatša gore o na le leina le dintlha tša kgokagano tša letseka, gomme o dule o ikgokaganya le yena. O swanetše go fa letseka leo tshedimošo efe goba efe ye mpsha ye o e hwetšago ka morago ga ge o begile molato mabapi le motho yo a timetšego.
Gopola go tsebiša maphodisa ge motho yo a timetšego a ka hwetšwa.
Hwetša dintlha ka botlalo mabapi le go bega motho yo a timetšego.
